點樣可以好快整到冰

呢個其實係個具實用性既化學反應過程：當一個冷卻後處於超飽和狀態既乙酸鈉飽和溶液被觸及時發生既放熱性結晶反應。

主角其實係乙酸鈉(醋酸鈉)呢隻化學藥劑，你可以係片頭00:04時見到「For This Experiment You Will Need: Sodium Acetate...」，提及既「Sodium Acetate」就係佢啦。

係條片既00:08時見到「Dissolve The Sodium Acetate In Near Boiling Water Until No More Absorbs Into The Liquid.」，講既就係，係熱水裏面溶入乙酸鈉直至製成一個飽和溶液(飽和溶液，就係一個唔可以溶入再多相同物質既液體；乙酸鈉飽和溶液就係一個唔可以溶入再多乙酸鈉既乙酸鈉溶液)。

跟住00:32裏面見到「And Cool In Fridge...」同埋「Make Sure Left Over Undissolved Chemical Stays In The Pan...」，就係將製成既乙酸鈉飽和溶液(唔連埋溶唔到既乙酸鈉)放入雪櫃冷卻。

其實係上面2個步驟製成既冷卻後既乙酸鈉飽和溶液會處理一個相對地穩定既超飽和狀態，但係，一旦被其他物質觸及，就會觸發佢既結晶反應，所以佢會由液態凝結成為固態，睇落就好似水結冰咁。亦由於佢既結晶反應係一個放熱過程，所以呢啲唔係真正既冰，而係熱既冰，一如條片一開頭既標題：「Instant Hot Ice」。

可循環使用既暖手包就係應用呢個原理嚟發熱架啦。

希望可以幫到你啦。