想問由紅磡火車站有火車到肇庆嗎？

香港每日有一班直通車去肇慶,車次T816,紅磡開12:30,16:27到肇慶,票價成人$235,小童$117.5.
如果深圳坐就要去到西站,都幾麻煩下,仲有呢班係去四川既長途車,你要專登上深圳買定票先,如果想坐果日先買就唔一定有票,又係一日一班車,車次K586/K587,深圳西開10:38,15:11到肇慶,硬座票價42RMB.
其實你亦可以考慮下坐大巴,香港都好多直通巴,羅湖客運站或者僑社是但一邊亦肯定有車,平過香港坐直通車,班次亦都多D.