本人$26蚊買入00066港鐵10000股 , 我應點處理?

短炒就短炒, 要變中長線, 即係因為蝕緊錢又唔止蝕, 最終蝕入肉, 最後唯有變長線等搏反彈.

一隻股票進入下跌周期之後, 無人會知幾時先可以返家鄉 (知既已經發左). 最最經典既例子係電訊盈科. 你開佢既年圖來睇下, 就知一隻當年既大藍籌, 係高位買左, 要等幾耐先可以返到家鄉!

你買完, 佢就跌, 簡單來講即係你睇錯市. 睇錯市, 唯一可以做既就係賣出, 然後諗下點解會睇錯, 咁先唔會白交學費. 今次好彩俾你半個月搏到佢反彈, 下次可能縛你三五年, 唔係次次都會咁好彩.

蝕左錢, 起碼要賺番經驗, 先唔會白蝕. 到你經驗有番咁上下, 你先有資格去賺無經驗既人既錢.

所以, 賣出吧. 正所謂, 唔賣唔知風險高. 蝕過, 肉痛過, 先知乜野係風險.

祝你好運.

意見中肯

66 都算係一隻好股, 有穩定的收入, 又有地產項目的特殊收益;

現時佢的估值唔算貴, 之前個市場炒佢兩鐵合併炒高咗佢, 現在大市跌, 佢叫做跌得小, 防守性幾強; 依 D 股有價值揸佢長線的;

但你有時間限制, 最好就等反彈時走部分, 唔會有人知道年尾可否見26元, 雖然機會是有的, 只係升 7至8%, 不過, 如果佢升到 25元又跌低D的話, 你到時會點, 是否一定要用錢? 先計劃好自己的需要, 用閒錢投資, 會比較理性, 冇咁易受個市影響;

小小意見, 希望幫到你!