dvd錄影機駁線問題

新一代既DVD錄影機最起碼要用紅白黃AV線先可以播到錄咗既嘢在電視睇,好似以前用帶錄影機咁搵個台來睇好多機己經唔得,但係天線一樣要駁,否則錄唔到電視,方法是將大厦天線先駁DVD錄影機的天線in,再用另一條天線,通常跟機送埋,接駁DVD機的天線out去電視的天線in.咁樣你先至可以在不開DVD錄影機的情況下就咁開電視睇.
至於傳送畫面同聲音就有幾種方法.視像方面可以駁HDMI,色差(即係你講既Y,Cb,Cr),S-video或者黃色AV線.視乎你電視有那一種輸入,最好的次序係HDMI好過色差,好過S-video好過黃色AV線.至於聲音方面,其實HDMI會有埋聲,冇的話電視機亦多數只可以駁紅白線出聲,其他嗰啲光纖,同軸是俾有解碼的AV擴音機用的,電視用唔着.
色差雖然有三條線,但係只可以傳送畫面,你必要插埋紅白線先會有聲.


2008-07-04 17:26:38 補充：
應該係,冇聲先駁紅白線啦