我同我男友已到談婚論嫁階段,我全家人都認為我男友好好,對佢讚不絕口,唯獨係我個妹,對我男友簡直係見佢前面憎佢後面,而且係一早已經係咁(一早 = 我未介紹男友俾家人識,我個妹見都未見過只知道有呢個人存在既時候)
次次我男友上到黎,佢會叫我個妹,但我個妹都唔會理佢...就算我以前叫左d佢唔鍾意既朋友上黎,我個妹都會主動同人say hi,絕對唔會咁
有次我勸佢,同佢講我地遲早係一家人,如果咁樣只會大家難做,點知佢即刻發晒老脾,好似小朋友咁扭計話佢唔需要姐夫!無論我同邊個一齊佢都係唔鍾意!
佢都20歲啦...應該唔會好似d小朋友咁,以為媽咪生左細佬妹後唔愛佢吧?(我當然唔會結左婚後就唔愛佢啦,細妹黎個噃!)
佢到底諗緊d咩野...唔會係想我做老姑婆唔嫁吧?
要點開解佢好?
更新1:
我同個妹感情好好ga...雖然細個成日嘈交,功課我又幫唔到佢d咩,不過就成日一齊行動,互補不足既地方
更新2:
To henrylaw9: 我個人此認為佢冇精神病,佢d脾氣係差d,但平時好正常
