大家有冇網上買野,冇啦啦比人屈阿?

大家有冇係網上買野,冇啦啦比人屈失約?
講下你地點處理阿.
我岩岩比人屈阿.
覺得好委屈.

我寄mail去買野,約左時間交收,
我有留電話比佢,同佢要電話,但我收唔到回覆,
跟住我先知果日唔得閑,咪預先話有事同咪道歉,話再約時間,
我之後又再寄mail比佢,問佢仲有冇貨?同想約時間,
但我之後幾日都冇收到任何回覆,我就以為佢冇貨,所以冇回覆,

到左約呢日,我當然冇去啦,我都冇收到回覆都唔當係約.
佢寄mail比我話我又失約,話會黑名單我,
我咪覆佢話我冇收到回覆,以為冇約,
我叫佢比番果2封回覆ge mail我睇,佢有比到1封我睇,
但我真係冇收到,

之後佢又話我講大話,推責任,冇禮貌,
又話我呢種人佢見得多啦,又話我玩野,仲叫我唔好屈佢,話搵律師告我
仲話我盡責ge話就要完成交易,唔係就會黑名單我,
同咪將我id比曬其他賣家,佢自己話自己做好曬本份,

我覺得好冤枉嚕,我收唔到mail回覆,就好似我錯曬,全部係我責任,
咁呢d我都唔想ga

佢咁樣我點會再同佢買野,
搞到我好唔服阿,我真係冇講大話,
佢話我唔服就去向yahoo投訴,
佢話自己有齊證據,可以比曬yahoo睇,
最後佢仲話要我專重其他賣家,講大話會折福,


我都係想買野jie, 講到我係度玩野咁,
買野買成咁,叫我點樣信服.大家以後真係唔好幫佢買野.

大家有冇遇過咁ge情況?