請問舊公屋可否轉新公屋?

如果你係想調遷至全新(一手)既公屋，基本上係接近冇可能
除非係你所住既屋邨要清拆，否則係唔會配全新公屋俾你。個個都話要新既, 咁d舊屋咪冇人住。

如果你想調遷(唔一定配到比而家所住既屋邨為新)
首先要睇黎用咩理由申請調遷, 同埋要邊個區
如果你同房署講嫌間屋舊, 佢一定唔會批俾你。除非你係社會因素, 如長期病患先住近親人方便照顧 or 發生不愉快事件(如所居大廈有人自殺), 咁經社署接見你地, 又提供到證明文件(如醫生證明)咁先可以申請調遷。

至於配邊區既屋, 市區單位基本上係長期短缺既, 所以即使配得俾你, 多數都係新界西or東涌。我諗你住井型屋, 都係市區or 沙田區多, 你未必鐘意住新區西喎。

所以都幾難可以成功調遷至較新型單位

講得好對！

你講緊既係一個調遷既問題,你要有好強既理由,房署先會接受,舊屋换新屋就絕對唔得囉,同埋假設房署真係接納你既調遷理由,都係由佢地編配另一個單位俾你,可能都係舊屋邨既翻新單位,唔一定有新屋住.

如果你肯搬去天水圍,有商量