✔ 最佳答案
我假定妳男友係揸Passport嘅公民,唔係綠咭嘅居民.妳絕對有權移民,但唔可以用旅遊簽證進入美國.妳有兩種途徑申請移民美國.
K1簽證:對方係US申請.大約4-6個月.領事館會發你一個簽證.你必須係到達US 90日內註冊結婚.婚後入紙I-130.入紙可以同時申請工作許可及回美證就可以工作及出入美國.再等1-2年攞到綠咭.
好處係好快可走,同埋對方唔使到HK.
K3 Visa: 係HK結婚後,入紙I-130同時再申請K-3.大約12-18個月見領事.到US報到後馬上有綠咭.
好處係一次搞掂D手續.適合双方都人在HK及唔想甘急過去嘅人.
1.如果我地系Alaska結婚,我可唔可以系大約半年-1年後搭飛機去Oregon?
原則上移民局唔會理你點搬嚟搬去,但你搬咗,移民局寄野俾你或會延誤.如果妳揾律師做,當移民局通寄你亦同時通知佢.妳轉地址只需要通知律師會比較方便.
2.綠卡要等幾耐先到手嫁??
上面講咗, 但婚後唔夠兩年,攞到係臨時綠咭.到兩年後再要申請永久綠咭
3.如果綠卡系短期內仲未整到,咁我可唔可以工作or入讀任何學校/college??
只要移民局收咗份I-130,就可以申請 working primit. 讀書更加冇問題.但係學費未必收本地生價.要睇番間學校.
4.我地結婚係咪一定要比雙方家長知道?即使我地已過18歲?
18歲後係美國,做乜都唔關父母事.最重要係你同你男友交往嘅資料:e-mail呀,長途電話費單,相片....越多越好.令移民官相信你地係真實嘅婚姻