使用firefox一直不能開啟網頁，但使用ＩＥ卻沒問題

一般嚟講，網頁都係基於IE嚟寫，所以用Firefox未必見到用IE開到既應有畫面，字型細過係IE開係正常(簡直就係家常便菜)，字型變咗又係另一項家常便菜。

Java項目開唔到又係正常，就算係Yahoo裏面都係好多睇落好簡單既Flash項目都係開唔到，但係用IE又開得番，真係幾激氣架。不過我用咗Firefox已經4年，已經習慣晒。

如果你都係想用Firefox既話，你可以裝一個Firefox既add-on(即係plug-in)，免費既，叫IE-Tab(https://addons.mozilla.org/zh-TW/firefox/downloads/file/31910/ie_tab-1.5.20080618-fx-win.xpi)，我一直都用緊佢嚟應付某啲開唔到既網頁或者一定要用IE嚟開既網頁，一有開唔到就係Firefox裏面開過IE既分頁，正常地睇番晒啲野。好簡單，完全唔難用架。

不妨試下。有時候，開唔到，又要keep住用Firefox既話，都要學下轉轉膊，如果唔係就會玩死自己。一般而言Firefox開網頁都比IE快，甚至有時IE開唔到，Firefox都可以開到，當然專為IE寫既某啲網頁，好似上述情況，就要用番IE或者IE-Tab開。始終，為IE設計既網頁仍然係攏斷之中，不過支援Firefox既網頁亦已經大幅度增加緊，相比幾年前我初時開始用Firefox 1.0個陣好多架啦。

希望可以幫到你啦。

2008-07-07 14:10:45 補充：
你既情況好奇怪，我從未遇過。你IE可以上網，但Firefox唔得，就唔係網絡方面既問題。

你可以試下入[控制台]、[Windows防火牆]、[例外]檢查一下有沒有Firefox在例外名單內。另外，你發問時提及既「防毒過了期」不知道是甚麼意思，如果你覺得是防毒軟件引起的問題，不妨試安裝一個新的防毒軟件然後進行掃描。

2008-07-07 14:10:50 補充：
如果都係無乜特別發現，如果我係你既話，我唔會花10日時間去等人回答，而寧願爭取10日既時間，整部電腦重灌一次，因為我近期不時都要咁做。咁樣係最好的做法，特別係當你覺得係軟件之間引起既問題，但係又唔知因為邊度引起或者應該點整既時候。呢個係策略上既問題。

我地唔係樣樣問題都識得點樣去應付，但係重灌電腦係我地識做既野，只係工程似乎大咗少少，亦都只係因為我地害怕或者唔願意去做，所以一直係度拖住，其實本身已經夠時間去完成了。

希望有高人可以幫到你啦。