急..!!!! 我想問下直接係網上睇電影或電視劇...算唔算下載或上載...??

簡單啲嚟講：

1. 係網上睇唔算上載或者下載，因為你係以線上實時串流既形式嚟睇，而唔係裝放置網上既有關檔案成個下載落嚟睇。

2. 因為你部電腦要傳送少量資料同個伺服器進行溝通，以輔助線上實時串流影片既播放，所以即使你無上載資料，你部電腦一樣會進行資料傳送既工作。

3. 純粹狹義上既瀏覽，呢個行為本身只係閱讀網頁上既內容，即使涉及上面提及既線上實時串流影片既播放，例如上Yahoo睇新聞甚至睇新聞既串流錄影片段。但係萬一當程中涉及網頁整理，例如上Yahoo!Blog、Flickr寫網誌時涉及相片或者影片既上載，又或者上政府網站下載申請表既PDF檔，咁就唔係單純既瀏覽啦，而係廣義上既瀏覽。

4. 如果係用戶同伺服器既關係，唔計瀏覽器同電腦系統本身既基本資料既交換式傳輸，上載就係將檔案由用戶既個人電腦透過網絡連線上傳至伺服器，下載就係將檔案由伺服器透網絡連線下傳至用戶既個人電腦。(所以你進行線上實時串流影片觀看既時候，例如YouTube，你係唔涉及呢兩個動作)


最後，係下載影片方面：

1. 下載前，睇清楚自己個硬碟既剩餘空間，同埋要下載既檔案既尺寸。
2. 一時唔夠位，如果C:\夠位既話，臨時可以用住先，不過最起碼留番10%既空間俾C:\做緩衝。
3. 長遠策略係，睇完之後，無用既野就要刪除，有用既野就用CD或者DVD保留，如果唔係多幾個硬碟都會唔夠用。
4. 當然唔去下載，就一定無令你煩惱既問題啦。

希望可以幫到你啦。