甚麼是法利賽人?他們在當時的地位高嗎?

法利賽人
出自維基百科，自由嘅百科全書
跳去: 定向, 搵嘢

呢篇文係
猶太文明系列一部分

宗教/語言
猶太教、經典、制度、一神論
希伯來文、亞拉米文
重要典籍與文獻
塔納赫(妥拉、先知書、聖錄)、
塔木德、米德拉什、拉比文獻、
其他文獻、613條誡律
派系(古代)
撒都該人、法利賽人、奮銳黨人、
艾賽尼人、特拉普提派、卡拉派
派系(現代)
正統派、保守派、改革派、
重建派、世俗猶太人
猶太教思想
猶太教神秘主義、默卡巴神秘主義、
喀巴拉
歷史
歷史年表、古代、拉比時期、
中世紀、現代
先祖
亞伯拉罕、以撒、雅各、約瑟、
十二支派、摩西、大衛、所羅門
曆法/節日
猶太曆、逾越節、除酵節、
羅什‧哈桑納、贖罪日、住棚節、
妥拉節、修殿節、摩西誕辰日
普珥節、舍巴特節、安息日、
大屠殺記念日、奧默爾節、
耶路撒冷節、沙夫幼特節、
悲哀日、新月節
猶太聖地
耶路撒冷、馬薩達
重要事件
馬卡比起義、猶太人大屠殺、
以色列國成立、反猶主義
現代宗教運動
錫安主義
睇 • 論 • 改

法利賽人 (Pharisees, 希伯來文 perushim, 嚟自parash，有「分離」嘅意思) ，係公元前 2 世紀猶太教入面嘅一個派系，主要由文士、律法師組成。喺政治上佢地代表住一個保守嘅宗教集團，反對希臘化，同擁護馬卡庇 (Maccabi) 起義（公元前168年），喺羅馬管治時期，對於羅馬政府雖然無積極反抗，但採取不合作態度，但由於佢地最關心嘅係宗教而唔係政治，所以喺羅馬政權之下，只要唔干涉佢哋嘅宗教生活都可以相安無事。佢地又好強調維護猶太教傳統同猶太人生活規範，如果唔係自己友嘅話就唔可以群埋一齊。又相信靈魂不死、肉身復活、神罰、天使、精靈。

佢地認為上帝畀摩西嘅律法係分「成文」同「口傳」兩種，成文律法《妥拉》係對人嘅神聖啟示，但同時要靠先知嘅教誨同歷代相傳嘅口傳律法補充，所以人應該用上帝賦予嘅理性去解釋《妥拉》，而唔應該盲從《妥拉》入面嘅文字，喺解釋律法嘅時候，會著眼喺入面嘅精神，所以佢地好識得將《妥拉》入面嘅精神配合時代需要而賦予新嘅意義。而喺公元 70 年耶路撒冷聖殿被毀後，喺猶太教嘅承傳上，法利賽人一直都擔當住一個好重要嘅角色。
目錄
[收埋]

* 1 背景
* 2 羅馬時期
o 2.1 希律王
o 2.2 猶太祭司議會
* 3 大流亡時期
* 4 基督教觀點
* 5 參考
* 6 註解
* 7 相關網頁

[編輯] 背景

其實喺馬卡比起義之前，法利賽派都重未出現。馬卡比起義即係講喺公元前 165年，嗰陣時統治巴勒斯坦1嘅塞流古王朝強行推行希臘化，激嬲晒啲猶太人，結果引起反抗。喺呢個時期入面，猶太社會為咗同希臘文化抗衡，而出現咗兩個派系，分別係以代表祭司同貴族嘅撒都該派教徒，同埋由社會中層猶太教拉比 (Rabbi) 組成嘅法利賽派。

最後以馬卡比為首嘅起義推翻咗塞流古王朝，建立咗哈斯蒙尼王朝嘅獨立時期。

而喺呢段猶太人嘅獨立時期入面，撒都該派喺政治上比較有權，因為佢地負責管理聖殿嘅財物，所以佢哋比較屬於上層貴族。而法利賽派因為係由猶太社會中層嘅文士組成，佢哋反對知識只屬於祭司呢個特權，強調學習同實用性，所以佢哋比撒都該派更認真去了解塔納赫嘅精神，反對逐字逐句咁去解經，強調要由經文原意去理解，同時要求要喺生活上能夠實踐為原則，所以受大眾歡迎，因而形成佢哋同撒都該派成日有拗撬，尤其喺宗教同法律上，其中最明顯分別係法利賽派相信口傳律法，即係指後期編成嘅塔木德，而撒都該派就認為口傳律法係廢。

除此之外，撒都該派由於掌權而變得腐化，亦係法利賽派喺猶太人社群裡面較受歡迎嘅原因之一。法利賽派認為金錢財富係罪惡根源，所以拒絕任何財富，除此之外，因為反希臘化而出現嘅法利賽派，亦好排斥異教徒，佢哋類似一種兄弟團嘅組織，只會侵自己友玩，唔會同第二啲信仰嘅人坐埋一張枱食飯，唔單止咁，就算係猶太人，但思想唔得淨潔，佢哋都唔會視為自己人，呢個亦係點解希伯來文入面，法利賽 parash 解做"分離"嘅原因。

[編輯] 羅馬時期

[編輯] 希律王

[編輯] 猶太祭司議會

[編輯] 大流亡時期

[編輯] 基督教觀點

[編輯] 參考

* 猶太教學 ISBN 7801152999
* 古猶太教II 韋伯 遠流出版事業股份有限公司 ISBN 9573255162
* 天擇-猶太人的故事 臺灣商務印書館 ISBN 957051695x

[編輯] 註解

* 註 1: 巴勒斯坦係喺敘利亞入面嘅一個猶太地(又有譯猶太省)，由於猶太人不斷發起反羅馬起義，而導致羅馬政府反感，喺大約132年到135年猶太人第三次起義(科赫巴起義 Bar Kokhba Revolt) 失敗後，羅馬政府為咗羞辱猶太人，就將猶太地改名做巴勒斯坦，意思係非利士人，亦即係猶太人世仇。