“簽證身份書”系未可以遲點申請架？

當然係幾時申請都得,假如你朋友唔打算離開香港,唔申請都仲得(如果警察查身份證時可以用單程證證明逗留7年).
簽証身份書上面顯示的簽發日期當然係證件批出黎既日期,身份證發出日期只會響身份證上面顯示.
你假設既問題,本身就已經唔成立,因為入境處係無權批准內地人成為香港居民,所以唔會有你講既通知,果個人只會收到內地公安通知,親身去領取單程證,然後從羅湖進入香港,經入境處職員蓋章批准逗留7年,先會成為香港居民,然後就可以攞身份證.假若內地公安真係提前通知佢兩個月後會批佢,佢都唔可以響香港工作,因為佢留港身份都只係訪港旅客.
另外,上面位朋友講既唔正確,第一,ci(身份證明書)係港英時代既證件,回歸之後取代既證件就係di(簽證身份書),兩者都係發俾d攞唔到任何國家護照既人作為旅遊證件.
第二,簽證身份書既持有人唔可以申請特區護照住,因為佢地未有香港居留權,住夠7年,攞到永久性居民身份證之後就可以.
第三,簽證身份書係旅遊證件,可以去外國,不過一定要申請簽證,無免簽證待遇.

是，任何時候申請都可以。但簽証身份書，俗稱di，只是給內地移居香港居民返回內地時所使用的身份証明文件，不等同護照，所以是除回內地外，不能作為出境之用，除非申請ci或特區護照。