發現先生有網戀，單方面想離婚不知應該怎樣子做

如果你真係想單方面離婚, 咁我想問你本身有無能力苦養子女, 同埋你有無地方俾小朋友住, 依個係實際問題, 如果一旦離婚, 子女多數會判俾媽媽, 但係都要個媽媽有能力照顧佢地先得, 照你所講, 你連層樓都無名, 咁會好危險, 萬一要離婚, 你連地方都無得住, 點攪.
如果你有能力, 都要睇夠唔夠養四個小朋友, 假如判每人兩個, 你又會點, 你想自己照顧晒定點, 一個女人養4個小朋友會好辛苦, 就算你肯頂, 法官都唔會俾, 仲有邊個照顧小朋友呢, 如果你要返工.
你要諗清楚先好決定, 最好同你家人商量一下先. 如果你班小朋友大過, 都可以同埋佢地傾, 如果佢地已經出黎做野, 有能力, 咪大家一齊搬出去, 如果佢地仲係細路要讀書, 都幾煩, 我覺得唔好立即諗離婚住先, 雖然你先生係幾衰(希望你唔好介意), 但係佢都叫做仲有俾家用, 俾地方你地住, 我覺得有時都要向現實抵頭, 你都係要諗到後路先行依步好d.

嗯, 如果係我, 而我沒有能力獨力照顧四個小朋友, 而老公似乎亦沒有顧及妻子感受, 我諗我會為左四個小朋友忍佢, 因為佢現在仍會有經濟上照顧一家, 基本上生活不成問題的話便忍住佢, 將自己的集中力放在小朋友的學業和品德上.

直至四個小朋友都出社會工作了, 佢地可能也會知道自己的父親係是否顧家, 亦會感受到母親多年來的照顧.

為左生活, 為左小朋友, 你可以試下自己可否咁做.

當然, 如果你自己有份工作係最好, 好好的儲蓄, 不致令自己年紀再大時, 過份擔心生活.

純粹個人意見, 希望你會找到最適合你的做法.

其實你可以去找一找社工去談談你的不滿或者去問一問他們可不可以幫你啊！