我想問咩叫執雞?我聽過個fd講,但唔太知點解,可否解釋比我聽下呢,唔該..

是【執死雞】
以前,養雞既人將D 死雞週圍掉; 果陣Ｄ人好窮, D雞又貴,
無錢買雞食, 突然有隻死雞比你拾到, 「咪好好彩囉」攞番屋企整黎食o
遇有雞瘟之後, 大量死雞, D 人唔想蝕晒本, 平平地成批賣比人, 佢地就叻, 用
老抽整左豉油雞攞去賣, D 老抽蓋過晒 D 色香味 ,個個話好味, 個老細不知幾好揾, , 發囉 !
( 將D 唔掂既野攪番掂 ) 都解作【執死雞】
早期香港最潮既野係「足球」,有個講波佬成日攞嚟形容 D 好彩既球員,佢係地
企左係籠門側邊, 個波輥到脚邊, 守籠門條友又唔掂, 咪執到正死雞囉
( 好彩喎 ) !
另外, D 車衫工廠, 遇到有 D 車壞左,車錯左既衫, 就有個專做修改既車衫妹,
負責 「執雞 = 唔掂既野攪番掂」,個車衫妹既 POST 就叫「執雞」, 少左「死」字, 唔好聽嗎 !