想買Nikon 鏡頭，請大家比意見

呢兩支鏡頭來講,我覺得一定係Nikon 16-85mm好過Nikon 24-85mm.
你咁揀可能係想焦距長啲.冇錯24-85mm係有長啲既85mm,但廣角部份配D80由於要乘1.5的關係,就變咗36mm,唔係幾好用,俾我寧願用翻A16好過.
至於16-85mm就係一支好好既旅遊鏡,焦距長小小係其次,最有用係佢有光學防震.方便在一啲低光環境例如室內甚至夜景手持拍攝.或許你係一個非常認真的攝影人,經常會腳架跟身,但一啲室內場合未必會俾你用腳架,高iso又會多雜訊,大光圈又會變淺景深而且大3,4級光圈既鏡都未必有.這時防震就係最好解決方法.
而且16-85mm既光學質素比另一支好出名既旅遊鏡Nikon 18-200mm f3.5-5.6 VR好
其實你旅遊目的係咪主要為影相呢?係的話帶腳架都好應該,否則其實係好費時失事的.如果你同埋其他唔太熱衷影相既朋友一齊去旅行.你每次開腳架用5分鐘人地就要等你5分鐘,影完收翻再開又係5分鐘.唔收的話就要成晚擔住支腳架.想入去室內買下嘢都唔方便.下下要人就就唔好啦.
以下網頁有鏡頭測試
http://www.photozone.de/Reviews/overview