好想讀好中英文...請高人指點...

中文同英文唔係一時三刻就可以有進步嫁~
仲有呢兩科冇乜實質野讀~
所以你唔應該只係睇教科書~
你可以去你學校個圖書館借past paer(不過08年應該未有,你得07年借)
仲有你可以問學校d老師借練習~
我相信你咁有決心學好呢兩科~
佢地一定肯幫你~
做練習既好處係可以俾你見多d唔同類型既題目~
從而學習當中既技巧~
特別係英文~
做到有唔識唔好諗咁耐~
做住其他先~
到最後先查字典或者問人~
無論係讀中文同英文~
有野唔明最好問老師~
除左做練習外~
你平日應該借多d課外書~
雖然比較悶~
但對呢兩科既寫作都好有幫助~
你可以開定兩本筆記簿(一本係中文,一本係英文)
將書本上學到既野抄低~eg.中文d四字詞,英文d生字
始終中文同英文係要累積番黎~
你要持之以恆~
你其他科都咁好~
我相信你一定可以克服埋呢兩科~
達成你升中六既夢想~

我個人覺得, 中文唔需要寫note, 不過英文一定需要.

中文ge, 我建議真係要多睇課外書,
當然, 臨近會考就睇少1d喇, 畢竟其他科都好重要.
如果你想快d有效果, 就最好睇香港/中國ge散文或者小說.
不過真係要揀d自己鐘意睇ge先好, 如果自己唔鐘意睇可能變左負擔,
同埋睇ge時候如果見到1d句子同修辭覺得幾好ge,
不妨記住佢, 或者有d詞語好ge, 未見過ge, 都可以記一記,
唔需要刻意去記ge, 不過如果你真係想記可以寫睇佢得意睇返.
然後自己寫ge時候可以用落作文或者卷一答題時用,
最緊要係唔可以用得生硬, 而且答題寫得有條理d, 印象都好d.
同埋見到唔識讀ge字不妨一查, 可能對卷四都有幫助.

至於英文, 我建議一定要寫低一d成日用ge字,
例如ce成日會出一d關於hk旅遊ge題目, 你就可以記一d有用ge字.
作文同oral都有機會出,
同埋如果你覺得自己文法唔好ge,
可以o係作文同oral用一d比較簡單ge句子,
如果你寫ge句子結構好普通, 但係冇錯, 咁都可以有lv.3.
不過如果用一d比較複雜而又用得o岩ge, 當然成績當然會比較好喇,
但係如果你覺得自己冇能力, 不如多用一d簡單ge,
起碼作文同oral, 睇同聽o個個都可以好明白你ge意思, =]

我本人係專補高中和大專程度英文的補習老師。以我所見，很多學生之所以跟唔上，係因為英文文法根底唔好。我提議你在暑假期間，有系統地重溫英文文法，你可以買英文文法書自學，或者由補習老師輔導，但不要報任何補習社課程，因為補習班係幫唔到你的。
學語文係要浸出來的，打好基礎後，便比較易吸收，以後能跟得上，係平時測驗/考試拎到合格應該無問題。