魚缸水白濛濛,有甚麼方法解決

那是你經常換水之故，白濛濛的原因是因為水的化學物令魚類不適，所以魚本身分泌出一種物質，令自己舒適，所以水才會白。下次換水時，所用盤盛載水喉水(最好一天，最少也要4小時以上)，然後才開始換水，同時加上少許「水質穩定劑」，這樣水便不會變白。至於水白對魚是沒有任何害處，只會使他更舒服，只是會影響觀魚人的視覺及心情。

魚分泌令到水白濁，我諗真係聞所未聞。
圖片參考：http://tw.yimg.com/i/tw/ugc/rte/smiley_28.gif

首先，我唔肯定你個缸已經運作幾耐，呢點對處理方法影響好大。但活性碳就點都冇作用架啦。
１．新缸：
如果係呢個情況，相信你個缸有泥／砂底。我引用我o既一個舊答案：
魚缸剛加泥，水中會有大量有機物，有機物充足會引發微生物大量繁殖。呢個就係新缸水變得白濁o既原因。
咁到底魚缸幾時ｄ水先會清呢？呢個時間其實取決於成個魚缸同過濾器之中o既硝化系統初步完成o既速度。
硝化系統，其實係指一個細菌群落。呢ｄ細菌統稱為硝化細菌。水中o既有機物被微生物分解，硝化細菌就會將佢地產生o既廢料分解（將阿摩尼亞變為硝酸鹽），到微生物數量開始穩定、減少，水就會由白濁變清。
要加速水變清，切記一個「等」字，因為換水會引致水中o既硝化菌被氯氣殺死，結果又重新開始。加大濾水量同效能（強勁濾水器、增加濾材〔主要係生物環〕令多ｄ菌可以落腳），都有用架。亦有人會加硝化菌水，但用處唔係真係咁大。
二樓所講：

「有用既話, 放泥放水幾日都會白濛濛, 係正常現象
但無用泥既話, 可能係因為新開缸, 硝化細菌係度生長緊~」

呢個說法有問題，因為新缸ｄ水係白濁，而泥底缸如果加水唔小心打起泥粉，o個種濁得o黎係黃色。
二樓所講呢點亦極有問題：
「但係如果幾日後, 個缸既水都仲係咁既話, 我諗你要全部水換過一次, 然後再睇睇有冇出現呢種問題~」
如上所講，硝化菌幾日之間冇可能有足夠數目，換得成缸，氯氣殺左一部份菌，ｄ水必然又再白過。等啦。
新缸唔可以放咁多魚，因為呢個期間硝化菌數量不足，水質亦唔穩定，根本俾唔到適合環境ｄ魚。我地開缸初頭放o既魚，叫做「死士」，任務係用佢地o既屎尿養硝化菌，所以要又平又粗生o既魚！如果你一次加好多魚，好可能會o係呢個期間死亡。你可以做o既，一係撈走ｄ魚養住先，一係靜觀其變，一係每日作少量換水。
２．舊缸：
硝化菌係好氧菌，如果濾水器曾經長時間停止，冇新鮮水帶氧入去，硝化菌有機會大量死亡。死左o既菌隨水飄流，就會成缸白哂。
如果係呢個情況，冇法子，要重新養菌啦，必須大量換水，如果已經有魚的話，可以將換水過程拉長（放水入缸慢ｄ），等魚適應（即係一個大規模o既對水過程）。

你個缸有冇用泥呀???
姐係水草泥~
有用既話,
放泥放水幾日都會白濛濛,
係正常現象~
但無用泥既話,
可能係因為新開缸,
硝化細菌係度生長緊~
硝化細菌在氮循環水質淨化的過程中扮演著非常重要的角色, 能夠在有氧的水或砂層中生長, 是好氣性細菌的一種
其實d水仲白濛濛,
建議你最好先徹走晒d魚先,
等d水唔再白濛濛先放返d魚入缸度,
咁做係為佢地既健康同生命著想~
但係如果幾日後,
個缸既水都仲係咁既話,
我諗你要全部水換過一次,
然後再睇睇有冇出現呢種問題~