為什麼熊仔鼠喜歡將食物和排泄物放在一起?

A.唔止熊仔鼠,其他品種既鼠都喜歡在食物上排泄物,特別係將食物搬返房or訓覺既地方之後,再排泄物上去
咁係因為鼠鼠會用排泄物去霸地盆,為左表示地方同食物係自己既,就會在上面排泄物,所以好易會見到就算會用廁所都有呢個情況
好難去改變鼠鼠呢個行為,亦都唔建議諗方法去改,呢個係鼠鼠既天性,咁會令鼠鼠有安全感,改左就唔好了

而鼠鼠係會食自己排泄物,所以其實同食物放埋一齊都冇咩問題
好多有食草既動物都會有呢個行為,因為食左草or其他食物之後,好多營養都未被吸收就排出,但佢地又唔識得好似牛咁吐返出唻再食所以就會食返自己既便便,去吸收維生素B同K,同時排泄物中既礦物質都對身體有益,咁樣食返自己既排泄物仲易吸收
但而家既寵物都有好豐富既食物,所以呢個情況其實已經好少發生,但就唔洗擔心同食物一齊會有咩問題

B.熊仔鼠大多都識用廁所,唔知你既鼠鼠係咪都識用廁所呢?如果唔識既話,可以教鼠鼠:
1)將鼠廁所既廁所沙加多,等鼠鼠排泄前有足夠既沙俾佢抓下先再去,大約厚0.5cm厚左右啦
2)唔係換木糠先將鼠鼠既排泄物先放落鼠廁所,平日得閒就執d落去,最好日日打掃下佢房,就將房or訓覺地方既排泄物部份放入鼠廁所中,呢度既味同埋排泄物都比較多,用呢d會好d
3)未學識時勤力d去清理廁所外既排泄物,一來衛生d,冇咁易令鼠鼠有皮膚病,二來令鼠鼠慢慢習慣鼠廁所先有排泄物
4)俾d耐性去教鼠鼠,佢本身唔慣既時候,係需要好長時間先會學識,但有時隻隻鼠性格唔同,佢本性係唔鍾意用廁所係好難學得識,正如人本身係好亂,要糾正成整齊都唔容易呢!

雖然用鼠廁所之後,問題依然存在,但比冇用衛生得多,其實最好每天都幫鼠鼠清理一下排泄物集中地,特別係天熱,咁冇咁易患皮膚病既