如何教貓大小便?

如果你用貓沙和貓廁所箱,首先要揀安靜的位置擺放,因為要讓牠安心如廁;第二就是要留意牠有冇坐立不安唔知點算好的身體語言,一發現有此行為表現時就要立刻抱牠去貓廁所箱,在牠順利如廁之後撫摸下牠以作鼔鼓勵;假如貓貓不小心在其他地方上如廁,就要清理得一乾二淨,千祈唔可以留有牠小便的氣味,跟住...你可以將吸過貓小便的紙巾放入貓廁所箱, 貓貓自然就會去留有牠小便氣味的貓廁所箱如廁喇;記得勤力清潔貓廁所箱啊!因為貓廁所箱太污糟貓貓會隨處如廁進行大報復呀,要有愛心和耐心。

1) 在家定一個位置放砂盆, 要通風的.
2) 去寵物店買一個貓用砂盆連鏟, 有平有貴, 細的膠盆幾十蚊, 好一點的單層膠盆要百幾蚊, 我用的雙層砂盆就二百幾蚊, 盆底最好放塊報紙, 用來吸尿, 鏟是用來拾大小便的.
3) 買貓砂, 有好多種的, 通常都要試, 富貴貓$20包最平, 不過就麻麻, 有錢就試下用紙砂, 豆腐砂... 吸味各方便都比較好.
4) 買好以上東西, 放好砂盆, 就抱隻貓貓在砂盆上面, 話比佢知呢度係廁所, 隔一段時間, 又抱佢去砂盆, 做幾次, 正常來說, 貓貓天性就識抓砂, 佢會抓下, 或者馬上大小便留氣味.
如果萬一貓貓周圍去大小便, 您要細細力打下佢, 責罵佢, 馬上抱佢去砂盆話比佢知只可以係呢度呵.
5) 砂盆要每天清潔, 每日用鏟把大小便鏟走, 保持清潔, 對人對貓都好.

當你見到佢好似就黎想大小便ge時候....就即刻抱小貓去大小便的地方.....佢嗅到邊度有大小便ge味道.....佢以後就會識得自己去了~~

貓有一股天性的. 佢地會去有砂既地方大小二便 ka. 故坊間寵物店, 都會有貓砂賣. 有平有貴.... 你自己選擇啦. 我隻貓就用開"富貴" 貓砂的. 若 $20 一包. 一包用得一星期. 另外你仲要買個砂盤比佢. 有好多款 ka. 又係自己去寵物店選購啦. 由 $100 起至幾百蚊都有.