如果遺失id card + 改資料的收費 和 改id card 資料是否需要一同更改其他證件?

如果你補領 + 更改身份證內容收費 $ 420
改名的話, 你必須把passport, 回鄉咭, 銀行戶口都一併更改

因為出入境時會要求你同時出示身份證, 除非你成日帶住份改名契係身, 否則職員發現名字不符(身份證跟護照), 隨時輕則阻你時間, 重則唔俾你出入境都唔奇。

至於本人唔敢話上面位人兄講既野係真係假(即唔駛改名契)
我只可以講, 以前做人事登記處時見過既情況
唔駛改名契而改到名既原因如下:
1.女人嫁左人, 要跟夫姓 (提交結婚證書證明)
2.女人改嫁公或離婚後要改姓(提交結婚證書證明 or離婚證書)
3.兒童轉成人證時加英文名 (不須任何證明文件)
4.入境處同你整錯名

否則一般情況, 入境處主任只會替有改名契的人更改姓名。可參考我在入境處網頁找到的資料

要 求 更 改 身 份 證 上 的 名 字 、 出 生 日 期 或 地 點 ， 需 要 甚 文 件 呢 ？

如 欲 更 改 姓 名 ， 請 提 交 支 持 有 關 更 改 姓 名 的 證 明 文 件 ， 如 改 名 契 、 結 婚 證 書 、 旅 行 證 件 等 。

如 欲 更 改 出 生 日 期 或 地 點 ， 請 提 交 顯 示 正 確 出 生 日 期 或 地 點 的 證 明 文 件 ， 如 戶 口 證 明 、 公 證 書 、 出 世 紙 等 。

2008-07-08 23:58:56 補充：
總之有你個名而仲有效的證件都最好跟身份證名
如駕駛執照, 學生證, 圖書證, 信用咭......
改名初期, 最好copy定份改名契跟身, 咁有咩事遇到都可以解釋點解唔同左名
至於屋契, 出世紙 就唔駛改

如果遺失+改動身份證內容是$420就可以了。要改名就要先拿一份ROP73更改身份證資料表格填妥後連同所須之文件交回入境處,你無須急于去律師樓先做改名契,因為若入境處認為文件夠和考慮過你的更改之緣因,有機會唔先改名契都可以,但決定權就是先入表格,待入境處主任于14個工作天通知你見過面後再決定,這樣你亦可能省回改名費用。一旦身份証改了名,全部合法的文件如:護照、回鄉咭等亦一同要改到跟身份証上一模一樣。