中5重讀選科(20分)

等我逐一幫你解答啦~
(1.)我而家係form 4,讀文科,都有讀埋econ,geog個d科目,其實如果你要讀好依幾科既話,幾個月實在唔係好得,因為econ同埋geog都係好多野要記,加上要有少少理解同埋有埋讀圖技巧。依方面要多做多練,如果你而家既要讀你本身有既科,又要學一d你form4,5未學過既野,我怕到時你會仲辛苦。我建議你都係讀好本科,但係假如你真係真係好有記性,咁你都可以試下,不過提提你,到時候讀依幾科將會好辛苦,特別係econ同埋account,理解好重要。
(2.)既然你上到中六會讀商科,我就覺得你唔考chem都ok,因為一來你chem既成績唔高分,如果再考既話可能只會俾依科拉低。二來,中六既商科同科學冇咩關係,唔需要再應用,所以我認為你都可以唔讀chem。
(3.)我個人來說都係個一句,如果你真係要讀既話,econ同埋account你真係要認真讀,econ唔單止講你理解,仲要背,假如你可以讀得好econ既話咁就會好易有高分,否則就會好低分。而account就比較講你既細心同埋多做多練。初時學account個陣可能會覺得好煩,好多野,同埋好易計錯數。坦白講,即使你讀account可以記熟哂d格式等各方面,係會考要有高分都唔係咁易,但係就一定會合格。而地理就真係講你背,部分章節可能要加以理解,另外讀圖技巧都好重要,所以如果你要讀地理既話,就要多背,多做。而數學同埋phy,bio因為你之前都有讀開,我覺得都會比較適合你。
(4.)重報會考唔會扣你分,亦都唔會影響你升學。不過就比人地用多一年既時間咁解。
(5.)我覺得你應該10點幾之前就要去等取副本,因為你都覺得12點幾先至有,咁即係話你點都要去取副本,咁做會較穩陣,因為你早d去就唔怕多人,快快取完就去番取成績表。
以上乃我既建議,不過我覺得你應該問下老師、同學睇下點先再打算,因為會考唔係講笑,要三思而後行~
^^希望可以幫到你啦

我個人極度反對你咁樣重讀法. 我當年讀一間名校英中, 都係理科, 放榜出黎12分, 得A Math一科唔合格, 無學校收又無留後路結果原校repeat, 咁唔好彩果年轉新syllabus, Phy Chem Bio Computer Studies 都轉晒, 多左好多野要讀, 顧得新既又無時間溫舊既, 都讀唔掂. 結果咪仲低左一分囉. 之後就讀IVE, 讀我自己鐘意既科目, 讀得好好, 拎左兩個獎學金, 今年畢業升大學.
見你話又repeat又讀咁多未曾讀過既科, 勸你真係唔好. 到時又浪費一年時間又讀到人都顛咁為乜?
如果你話發現自己唔適合讀理科考會考, 其實你一早就應該repeat F.4轉返文科, 一係就你依家返轉頭, 讀返中四文科. 不過咁樣做咪仲浪費時間…
建議你去報一d副學位 (高級文憑/副學士) 課程, 因應自己既興趣同能力, 揀你自己鐘意既科目讀.
如果你未報IVE既話, 咁就唔好理咁多, 快d報左先! 因為晌7月21號之前候補申請既都仲可以晌8月4, 5號參加網上選科, 當個保障又好, 俾另一條路自己行又好. 我都唔想睇住d人好似我當時咁徬徨, 又乜都無得揀…
有咩關於IVE既問題, 你都可以打去佢個放榜熱線2836 1888 問下…
另外, 我俾IVE d 課程資料你睇下, 希望可以幫到你.
http://www.vtc.edu.hk/admission/chi/ps5-late.php

你好,

1. 本人亦曾應考ECON及ACCOUNT兩科, 受過考試洗禮之後, 深明白呢兩科並唔可以死記。ECON識理論, 唔代表識做, 而且死記成功亦唔容易, 打個例子: 供應曲線升就向下向右, 跌就向上向左, 啱啱同常理的上下相反, 更重要的是, 好多野都唔係向上就向下, 唔係多咗就少咗; 至於PA(Principle of Account), 本人亦不為所精, 只可以稱作曾修讀, 雖然話學藝未精, 但對當中課程亦略知一二, 除咗會計的基本格式可以靠背, 其他都要靠不斷的Training, 你問其他PA人, 相信佢地都咁答: 「PA冇得靠背咖喎!」, 點解我知, 之因曾幾何時, 正當PA試前夕, 呢個問題出於我口。所以我話背一定要背, 但背完唔一定合格。

2. 報科係人的自由, 報名與否志在你的決定, 如果將來諗住係商科發展, 咁其實科CHAM都唔係咁大影響。

3. 選報六科係明志之舉, 尤其你其中三科都未曾修讀, 但如果將來諗住係商科發展, 所選科目會較為混亂。

4. 重讀唔會喺下年扣分, 但報U方面, 有D名牌大學唔睇Tripeat(3rd Repeat)成績, 好似: HKU.

5. 成績好, 就唔怕搵唔到學校, 世界上只有兩種人唔使準備, 一. 最好的, 因為自然有學校搵你; 二. 最差的, 因為你搵學校人地都唔收你。好馬點會遇唔上伯樂?

HKICE喺今個星期三到星期五, 喺旺角Centre舉辦中五中七升學講座, 有興趣者, 請致電6140-0162, 陳小姐查詢。

2008-07-02 10:46:16 補充：
除咗講座資料外, 有關中五中七升學問題, 亦歡迎致電查詢。

順帶一提, 星期三至五的升學講座為免費講座。

2008-07-02 11:22:13 補充：
如欲參加講座, 敬請致電預約。