初生bb食奶問題

每個BB都唔同架...我個仔岩岩出世2-3個鐘就食一餐
而且到左6個月都久唔久要飲夜奶
就算我夜晚比多D佢/比水當奶，佢都照一樣要飲過夜奶先肯再訓

因為BB個胃同肚仔都幻細，所以飲得小，好快又肚餓
到佢大個D，身體機能日漸成熟，胃口同肚仔都長大
咁佢就可以飲多D奶同隔耐D先再飲

戒夜奶就好睇BB自己本身喇，好似我果個咁迫都迫唔黎
但有D BB就唔便刻意比佢飲多D，佢都自己戒左
不過都有方法既，就係尾2同最尾果餐慢慢隔開D
例如9點同12點飲既，你就將12點果餐遲15分鐘比佢飲
亦加多1-2安，到佢習慣左之後(因為你遲左比佢佢可能喊到拆天)
又再遲多15分鐘，再睇下佢之後可以隔幾耐先起身飲奶
如果持續地最後果餐飲完之後，BB都可以訓到耐D
甚至到差唔多天光佢先要飲奶的話
即係就快可以戒到夜奶，成功在望!!!

另外，飲完奶就一定要掃風啦，最好用條大毛巾放係佢同你腳上面
同埋唔好係床到掃，因為一唔小心佢嘔奶既話，就有排攪
飲完就打直抱佢一陣，因為有DBB掃完風你聽到佢D氣出左
都可能會有第二次，如果你呢個時候比佢訓底就好容易嘔奶
整到BB同D衫褲，床被污衊不特止，最驚D奶塞住BB口同鼻
就會有危險

仲有飲完奶最好都幫BB抹下個咀，清潔下
因為飲完奶唔清潔個口腔，好易係佢出牙果時令到BB發燒架
方法就係用紗布濕D暖水，包住食指，伸入BB口仔
抹下佢D牙肉同脷仔，不過佢會好抗拒，但為左BB健康著想
都要夾硬抹架，最多一路唱住歌仔氹下佢

我個BABY 家下3 個月有時上餐飲得少2 個半鍾都忍不住要飲奶....其實初生BABY...3 至4 個鍾..每次 2 ~4 安奶...一日 有 6 ~7 餐都正常!當日我去健康院....我BABY 咁樣...姑娘仲讚我湊得好添呀...哈哈
至於戒夜奶方面好睇BABY 個人..我BABY 未滿月就戒夜奶..但滿左月又唔戒....到家下都時戒時唔戒!!
個個BABY 都唔同...不過經過湊囡3 個月0既經驗可以教下你...
BABY 喊離唔開幾個原因....肚餓~有風唔舒服~要換片~冇安全感(包緊D 包被~OR 抱下) 你要多留意佢0既喊聲..記住佢 ..咁樣好快你就可以聽聲就知佢要咩..唔使到佢喊時唔知佢要咩! 我開頭個BABY 不停喊我幾不知所措...最重要自己定D....千其唔好諗佢有病先...好多時都係有風先喊架啫!
飲完奶千其唔好LAZY 唔掃風...好危險架! 掃唔出都要抱 3 個字先放低...最好掃到風都抱陣啦! 放佢訓時就打側佢個頭仔.....
我滿左月就教佢便便...每朝解開片片...發出 UM 0既聲引佢便便....
教識佢...咁就唔使去去下街便便嘛~依點我教得幾好...
最重要兩點!緊記...多D 同BABY 講野..千萬用溫柔聲線...你0既心情BABY係FEEL 到....心情唔好時對住個BABY..個BABY 可能會唔想比你抱會喊!
第二...開奶茶 起碼 4 個月先比BABY..最好就唔使....千其唔好胡亂聽人講胡亂比野BABY 食...所謂定驚...好多中成藥都含砒霜架...人地比意見永遠係唔使負責任..自己仔囡都係小心點好!

2008-07-03 09:39:53 補充：
盡量佢訓你就訓...如果唔係佢樓計時你唔夠精神好辛苦架!

初生ｂｂ好快肚餓，最好每３個鐘餵一次奶．到ｂｂ過左３－４個月，開始對周邊事物感到好奇，就會食少左，飲慢左．
最好等ｂｂ自己戒夜奶，你可以等佢滿月後每晚最後ｏ個餐比多ｄ份量ｂｂ飲，等佢可以飽ｄ訓耐ｄ．我個ｂｂ個半月時就自己戒左，唔駛太刻意．
要記住每個ｂｂ都唔同，你只可以參考其他ｂｂ　ｏ既飲食習慣．另外ｂｂ飲完奶後唔好即刻放低佢訓ｏ係度，最好抱佢一陣，身體微微向前，咁ｂｂ嘔奶機會會細ｄ．

bb幾時開始可以隔4個鐘個食1次呀? There is no time limit, because it is really depend on the baby's need. The baby has to satisfy the need otherwise, you have to feed the baby more.
是否滿月後可戒夜奶啦? No, unless the baby don't want the milk at night, otherwise, you still have give milk at night.
仲有無其他要注意嘅野呀? After feeding, make sure you do the burping before you put down the baby to sleep.