冷氣唔凍但係會結冰？

如果按你所見打開隔塵網見到約中間位條銅管結冰即部機有地方漏雪种（微漏），如部機還在保用期要即打電話叫代理商維修，否則當機內雪种過量漏失你部機就唔會結冰，經驗告訴我們凡家中电器用品遇上故障便要關掉電源暫停使用，待有關電器檢修妥當後才去使用，以免發生危險！


2008-07-01 21:43:11 補充：
漏雪種維修比較麻煩，要揾漏，燒焊補漏，加装閥門用作入雪種用，灌入雪種試漏，冇漏才抽真空，入雪种，工序才算完畢。如你部機不太殘舊可考慮維修，因換新機2匹日本牌子都要四五仟元或以上，視乎你部機嘅狀况同你嘅經濟能力，你可叫師傅上門先作檢查有得整才報價維修，祝你好運！

冷氣機
當冷氣機製冷之後,雪種就經過喉管 ( 打開隔塵綢可見 ), 冷氣機內的風扇就會將屋企既空氣抽入冷氣機內, 空氣經過隔塵綢遮住既冷凍喉管 ( 依家結左冰果個位 ), 空氣就被冷凍喉管整凍左, 變成冷風, 然後走過隔離個出風位吹出o
點解冷凍喉管結左冰, 就因為冇乜空氣走到入去冷氣機, 原因是冷氣機內滿佈塵埃, 你部冷氣有四五牟年冇攞去洗, 只要洗吓佢就掂晒, 一般費用是 $250 -$400 ,到時電費已經慳突 o

冷氣機 ( 窗口機 ) 的選擇掣 :
選擇掣 : 選擇的所有檔位, 都是開動了風扇;
將屋企空氣抽入機內, 同時將空氣從風口吹番出黎o
LOW FAN = 慢速風扇 用電量 = 35W ( 左右 )( 以一匹計)
HI FAN = 快速風扇 用電量 = 50W ( 左右 )
LOW COOL = 慢速風扇 + 製冷摩打 用電量 = 35W + 750W = 785W
HI COOL = 快速風扇 + 製冷摩打 用電量 = 50W + 750W = 800W

Temperature Control／ Thermostatic Control = 當已經夠凍, 製冷摩打就CUT電, 等屋企溫度升番, 製冷摩打又自動重開,如此類推,
所以, SET 高 D 溫度, 可慳電一半 o

分體式慳電,好過窗口機 ?
想像吓, 將窗口機分成前後兩半,向屋企果半係雪種製了冷 ( 賣凉粉 ) ,向街果半係散熱 ( 蒸鬆糕 ) ; 凉粉 + 鬆糕黏埋一齊, 會點, 咪嘥電囉o
另外, 蒸鬆糕果邊散熱網如果滿佈塵埃, 散唔到熱, 咪又嘥好多電囉, 4至5 年, 比 $250 - $400 ,揾人洗一次機, 慳電又環保嫁o
分體式, 鬆糕擺出街, 凉粉擺屋企,梗慳 D 啦 O

2008-07-02 14:34:33 補充：
當冷氣機 ( 窗口機 ) 唔夠凍, D 師傅便叫加雪種, 其實冇辦法加的,因為是原莊燒焊封死晒, 加唔到嫁, 佢幫你用 D 勁药水 La 到個散熱片白雪雪, 話加左雪種, 過兩年部機掉得,因為La 到內傷; 所以我每兩年搬部冷氣機落來, 用花曬冲吓, 就掂, 真係凍到跳舞嫁, 不過唔好整濕D 電掣喎, 否則 D電撞到七彩果陣就危險o

你部冷氣應該漏雪種

如果是窗口機,換部新機吧
因為醫返都晒藥費,維修完也可能再漏雪種

分體機就當然要師傅整啦
通常是銅喉接口位漏雪種
D.I.Y.?
不如叫師傅整啦