有什麼國家需要打針/食藥才可入境?

樓主呢個問題好難答，而樓上嗰條友亦答左一個極廢又勁走精面既答案。據小弟所知，的確係無國家一定要求外國人要有防疫針注射証明先至入得境。但係有唔少國家，多數係撒哈拉以南既非洲國家，你最好打定啲預防針先好去。

撒哈拉以南既非洲國家多數流行以下幾種疾病，包括瘧疾、霍亂、昏睡病及黃熱病。呢四種病係呢個地區真係好普遍，而且全部呢啲病如果中左又無適當治療係絕對致命。我知道瘧疾同黃熱病有防疫針打，其餘兩隻有無就唔知。不過聽聞就算你打左瘧疾針都未必可以百份百唔中招，總之如果要去呢啲地方就要小心。除左一定要食煮熟既野之外，更要每分每秒都要保持最高警戒去防蚊，因為瘧疾、昏睡病及黃熱病呢三種病都靠蚊呢傳播。

除左上述幾種病，有一種病更係要用所有代價去預防，佢就係愛滋病。唔駛講大家都知呢個係絕症，但係依家係非洲中南部呢個病都幾猖獗，聽聞啲國家平均有一、兩成人有呢個病，你都咪話唔驚。當然，只有血液直接接觸同唔安全既性行為先會有呢個病，所以去到嗰度中招既機會其實好低，安份守己同提高警剔就得啦。

希望以上言之有物既內容真係幫到樓主。

暫時未有國家有此要求，希望幫到你