有關 1800一問?

本人在上年尾 21.80 入了 20000股 1800, 又在今年 6月中 係 14.76入了 2000 股 1800, 因覺 1800 是一隻好股, 但現在一直咁跌, 想問在今年尾有冇機會升回 21.80 以上呢? 同埋想問下, 1800 值唔值得長線持有呢?
無可否認，中交建（１８００）在行業特性，市場進入障礙及加上是受國策的因素而受惠的公司，這是絕對同意的！
就是有這些因素，才可以有賣點，將此股〔炒上〕！
現時股價已跌至＄１２．５，以現價計，往績ＰＥ都要２８倍，可想而知，閣下在＄２１．８時買入，ＰＥ是不是天價呢？
股票好是一回事，股價的合理性也是另一回事！




另外, 常常聽人說 短線, 中線, 長線持有? 咁 我想問 短線, 中線, 長線係指持有到咩時間才放呢?

短線, 中線, 長線都是很多人會說的，但各人的定義是不同，因為跟本就沒有一個有權威性的定義去介定短線, 中線, 長線！
以本人而言，短線可能是指當天，或最長是當個星期，而中線是指幾個月至半年左右，而中長線可以說是半年至一年的時間，而長線的可能是指一年左右，而超長線，可以說是數年了！

YOKI WONG
圖片參考：http://tw.yimg.com/i/tw/ugc/rte/smiley_1.gif

唔知你有冇打錯字, 如真的入了 20000股 21.8的 1800, 現在說止蝕好像沒有意思, 在 21.8時, 佢的 P/E 是48倍, 好貴;

個市下跌, 貴的股份就會打回原形, 就算現價在 13.X, 佢的 P/E 都在 29倍, 在依家個市況睇, 都仲係貴, 唔好再溝啦!!!!

依隻都算係好股, 中國的基建在未來10年唔會慢下來, 佢係龍頭公司, 點都會受惠的, 但你入的價是在大市過熱時接貨, 又冇即時止蝕, 現在為有是等, 可能要好幾年才回到家鄉;

短, 中, 長線, 人人的定義未必一樣, 我會咁定, 短線 2 個月內, 中線睇1年內, 長線睇3年;

小小意見, 希望幫到你!