理商邊科好

我自己就係讀商科既
中4之前就冇讀過商科既野~Eg.econ果d
但係上到中4...d野都唔算容易...但係都唔算好難咁

商科:

會計:上學期就係一d 好basic既野...所以好容易...成績一定幾好
到左下學期D野就會比較難理解....但係只要比心機做功課...
留心聽書....咁就冇咩問題
商業:就係比較容易既一科...只係要背野...當然你都要明白佢講咩...
呢一科就冇咩大問題既....
經濟:你讀開經濟...都會知道經濟比較難既....同埋要理解好多野...
圖....要好理性分析題目...先可以畫岩圖...其他都係背既...


理科:
生物,化學,物理(只係讀呢3科就好難...)

所以我覺得如果你間學校有理商
揀理商係一個幾好既選擇^^

希望可以幫倒你啦~^^~

我係一個理科生 , 好坦白咁講 , 理科同商科都係要背書。我簡介下兩科有咩讀先 :

理科 :
1. 物理
2. 化學
3. 生物
4. 附加數 (未必所有理科生都要讀 )

商科 :
1. 經濟
2. 會計
3. 商業
4. 英文文書處理及商業通訊

理論上理科背既嘢會舒服少少 ( 除左生物 ) , 因為理科好多知識係有關聯 , 好似個概念圖。但有一定既難度 , 我上學期平均分由71點幾跌到下學期64點幾 , 足足7分 , 除左我有d大意既地方 , 其他都係因為深左。
讀理科要好肯定既就係有清晰既頭腦 , 能夠將之前學過既嘢融會貫通 , 咁你就會好成功 , 但係可以融會貫通之前 , 你一定要背哂一d重要既現象。呢方面化學科係極之需要。物理會好好多 , 唔使點背書 , 所以我3科之中呢科係比較好既 。 不過物理力學呢個範疇 , 一定要下好大苦功 , 因為有d概念難明 , 只要明左 , 你物理會有不俗既成績。生物沒得講 , 一個字 :背。背完同化學一樣要識用，呢個就睇你思考既能力。附加數就要記公式 , 但唔算辛苦 , 用得多就沒問題。

商科我就唔太清楚 , 但會計聽講幾好讀 , 都係玩概念 , 如果你明白 , 你將會有好好既成績。經濟開頭玩概念 , 要唸嘢 , 但之後就有嘢背 , 而且都唔少嫁。商業比較吹水既多d ( 聽讀商科既同學講 ) , 所以應該易d。最難係英文交書處理及商業通訊 , 唸科同中英文既實用文一樣 , 要記好多格式 , 如果我讀商科一定會drop左呢科。

兩科都有嘢背 , 真係要睇你既興趣及能力。唔好以為理科唔使背 , 亦唔好以為商科好好讀。加油呀 ^^

2008-07-15 09:49:41 補充：
如果你係唸嘢轉數果方面可以既 , 我係建議你擇理科。但我想你睇睇你哥理科既課本 , 睇下明唔明 , 唔明試下問。如果你明既話 , 咁應該沒問題 , 可以放心讀理科。加油 ^^

2008-07-15 18:51:04 補充：
我都同意第2位回答者講 , 有理商既話擇理商讀 , 都係一個唔錯既選擇 ^^ 我自己雖然理科 , 但都有修經濟讀 , 經濟比化學生物易d , 可以幫到你拉返好個成績 ^^

理科易D(我表哥講),加上你想,揀理科la!