故事有點長, 唔好意思....
有一個80幾歲既婆婆,佢持香港3星身份証既, 但佢既其他親人都已移民外國,本來佢o係香港住老人院, 後來佢去左外國同親人一齊住.....
但現在原本照顧佢既屋企人出現左突發情況, 依家已經無能力(無論經濟及實際上)再照顧婆婆, 而婆婆年紀已大, 雖然可以去洗手間,沖涼, 但已經唔可以自己煮飯等等......婆婆亦試過自己o係屋企bo落水唔記得熄火, 散步唔知行左去邊等等一般老人情況, 因此唔可以無人睇實佢.
由於婆婆並無外國身份, 所以得唔到外國既援助, 而佢既屋企人亦支付唔到婆婆返香港全私人安老院既費用,
所以我想幫婆婆問問, 佢回香港可以向社署求助安排入住老人院嗎? 婆婆真係一蚊都無....政府係唔係會幫佢支付所有費用? 而婆婆返到香港既o個一日已經"無家可歸", 政府是否一定會幫助佢? 佢應該點做好?
婆婆依家o係外國, 刻不容緩, 因為無人照顧會構成好多危險, 但佢既屋企人亦實在有心無力, 好在婆婆亦都好想返香港養老!
希望大家唔係copy d 網頁既野, o個d野我睇晒了,
希望了解情況既人作答, 十分個謝謝
”免費”入住老人院的方法
2008-07-01 1:39 pm
回答 (3)
2008-07-01 11:14 pm
✔ 最佳答案
最方便既方法(當然要睇你係咪符合資格):如果佢係長期病患, 要去政府醫院覆診, 咁就搵醫院既醫務社工, 同佢講番個情況, 向社署申請綜援,
即使而家冇睇開醫生, 我覺得依你咁講, 婆婆應該有痴呆症, 最基本佢缺乏自理能力, 咁都可以搵政府醫生同佢做評估, 證明佢需要搵人照顧
申請綜援，當然要資產審查, 亦要佢子女填話唔養阿媽, 如果未排到政府老人院, 都可以申請住買位去私人老人院住住先(當然佢係領綜援就完全唔駛錢啦)
如果佢而家冇係香港住緊, 咁就麻煩d, 我諗你都未必知佢會唔會離港時間有幾多日, 因為離港太耐, 係唔符合好多野既申請資格, 如綜援
在緊接申請日前連續居港最少一年(在該年內如離港不超過56天﹐亦視為符合連續居港一年的規定)。
點都好啦. 去社署or社區中心or福利機構 (如明愛)度搵社工幫手, 即使唔合資格都睇佢會唔會酌情處理, 因為呢樣野冇人答到你, 要社署因應婆婆既情況而定
2008-07-10 6:20 pm
其實婆婆係去左外國幾耐呢??
因為如果唔超過一定既數佢可以申請公援,傷殘金...
有公援就已經可以搵一d可以按公援既安老院居住...
但係一開始....最好就係入左醫院先....因為即係有人照顧....再搵醫院既社工...安排申請公援同搵安老院........
你想想先...
如果婆婆入左醫院...有人照顧...另外仲可以搵安老院....
雖然咁做唔係好好....但即時就可以解決你而家既問題~~
因為如果唔超過一定既數佢可以申請公援,傷殘金...
有公援就已經可以搵一d可以按公援既安老院居住...
但係一開始....最好就係入左醫院先....因為即係有人照顧....再搵醫院既社工...安排申請公援同搵安老院........
你想想先...
如果婆婆入左醫院...有人照顧...另外仲可以搵安老院....
雖然咁做唔係好好....但即時就可以解決你而家既問題~~
參考: 自己係安老院常見做法
2008-07-01 6:25 pm
可以申請傷殘津貼就唔洗錢嫁!!!!!!!!!!!!!!!!!!
收錄日期: 2021-04-13 15:45:46
原文連結 [永久失效]:
https://hk.answers.yahoo.com/question/index?qid=20080701000051KK00442