大學進了日文系

若你進了大學的日文系, 就算完全不懂也不用擔心
因為個COURSE本來就預你由零開始
好多人都同你一樣, 入左大學先選修日文
YEAR 2讀唔掂, 咪轉修第2科LOR, 唔駛擔心

況且, 就算你報讀暑期課程, 內容都COVER不到你大學課程的一個SEM
坊間的課程也不會教得太深入, 加上沒有功課, 其推動力是一定及不上的

至於會不會辛苦......看你讀的是甚麼大學, 與及平常會否認真溫習
一般來說, 讀一年後可試考能力試3級 (成績好的會試2級)
四年畢業理應考到能力試1級。
多把握機會於TUTOR時間問助教, 問老師
常蒲圖書館溫書, 多聽練習帶(因功課一定多)
多待於DEPT與同學一起溫習, 你會發覺並不是想像中咁難

你講0既日文系係咪指日本研究系?如果係0既你要讀0既課程除左日文之研仲有好多野要讀ga~ 你去大學個網到睇下個course information, 睇下你讀d course 會教d咩~咁咪可以prepare 定law~ 其實好多人係大學都揀左d中學未讀過0既野, 好伕好多理科人都會揀商科讀, 都係要由零開始~只要比多d心機, 唔會跟唔上0既~

不過我認為你要諗下你對日本/日文0既興趣, 同埋語言天份~ 如果唔係, 呢幾年真係會讀得好辛苦ga~~同埋對你0既前途都係好大影響la~~
~~

至於學日文, 你可以試下呢間~
www.streamwisdom.com
for 日文初學者 $60/hour
用大家的日本語呢本書~
每班4-10人~
電話 23751342

未接觸過呀........ 完全唔識呀........
其實好講興趣ga wo......
我哋咁大個先嚟學語言...... 當然係辛苦...... BB仔學語言就話快啫.....
4年, 應該都可以一級啦. 你全職讀書ga ma, 即係話如果你俾心機讀, 又4年咁長, 大學日文系, 全職咁做學生, 讀完4年, 應該好得啦.
不過呢啲都係講你與趣同恒心嘅...... 鬼知你到時會唔會開學無耐就話辛苦, 要放棄咩. 如果有心讀, 唔好話日文, 法文, 意大利文, 乜文都得啦. 喺大學入咗嗰個系喎.
駛唔襯暑假報吓啲日文課程讀呀? 其實都無乜咁嘅必要呀, 既言大學日文系都收得你囉, 大學日文系, 開學1個月啲課程, 都可能cover咗你喺出面讀3個月嘅課程啦.
得嗰短短兩個月暑假, 出面啲課程學得啲乜啫? 對你大學日文系嚟講都無用啦. 如果早兩年你開始讀出面啲課程, 讀咗兩年, 最少都3級, 先入U讀日文系咁又唔同.
如果完全唔識, 又想襯呢兩個月準傋吓, 好過乜都唔做, 咁可以自己讀吓啲假名先囉.
有好多網站都有ga. 好似"日語自遊行"個web site都有假名表ga.
背咗啲假名先囉.
要讀日文, 啲假名一定走唔甩ga, 咁開學先讀, 可能1星期內已經要你識晒, 對全完唔識, 又已經係成年人嘅人嚟講, 係好辛苦ga.
好似叫個唔識字嘅婆婆背26個英文字母咁, 佢都無接觸過, 無啦啦, 幾十歲人, 先叫佢背, 好辛苦啫.
咁你咪喺暑假背咗50音圖, 平假名, 片假名, 拗音嗰啲先囉.
兩個月應該得啦.