我想問有關平價印傭既嘢．．．．．．．．．．．．．．

印尼政府是強制印尼傭工在香港申報工作簽證或轉換僱主時，必須通過職業介紹所辦理手續，所以香港僱主聘請印傭也只可經職業介紹所及辦理手續，其實香港法例規定外傭工資最低3480元，但的確又有好多只收1800-2000印傭，點解呢？
因為好多介紹所都喜歡介紹d僱主用印傭，原因印傭由印尼來香港工作，須先一次過比萬幾至兩萬作為申請費比介紹所，而印傭轉換僱主時介紹所一樣可以賺取手續費，咁生意就可以長做長有而且因為係強制性必須由介紹所介紹，所以介紹所收取僱主的手續費時請印傭都會比請菲傭高，因此介紹所為做此高利潤生意想吸引香港僱主用印傭，咪剝削個印傭人工簽約時就簽最低工資3480元，但就教d僱主每月剋扣印傭工資只出1800元作薪酬，而且因為印傭人工比請菲傭平仲有籍口可以收你比菲傭較高介紹費約3-4千不等添，咁你估d印傭被嚴重剝削後做嘢好唔好呢？
僱主表面上可能是比少d人工，其實都要冒上被勞工處控告的風險，根據《僱傭條例》，僱主如少付合約上列明的工資，最高可被判罰款35萬元及監禁3年。
俸告閣下勿因一時貪念跌入無良介紹所的陷阱以身試法！