粵語翻譯成繁體中文

請幫我翻譯成繁體中文,謝謝^^


中呀!!
今日放工我同細 Win 去咗 CFA 嘅 Info Session...諗住見識一吓...一去到...見到個個都著到好 pro 咁...我又變咗係送信嗰一批囉...

第一個講嘢嘅...啲英文...真係...好到你唔信呀!! 嚇得死人...一句入面...十個字有九個字都係 "Ar..." 囉...聽到我地耳仔都側埋...細 Win 嘅 comment 係...同 Ken Chan (MAC Econ Prof) 一樣呀!!仲要講到坐我隔離嗰個瞓著咗囉...個頭不斷有魚上釣...呵~

跟住個 speaker 就講 Study Group 嘅好處呀...讀書方法...仲問...邊個有 accounting background...叫其他人 mark 實佢地...因為 Level I 最難個 part 係 account 囉!! 咁就慘啦...我都唔記得哂!!

再之後嘅就係 PrepCourse 啲人做介紹...再上小小 Sample Lecture...細 Win 話個 instructor - Paul Dou 好似明道喎...竹星仔...又高喎...中英文都勁流利...仲喺匯豐做 Asset Management Manager...正呀!!不過好可惜佢係喺 Vancouver 教吖...嘥哂呀!! 唉...

臨走之前...佢地話送一套 self-study material 比我地啲 canadiates...咁就問 Paul 幾時生日...同佢一日嘅就有一套囉...佢係 9 月 19 號...冇人同佢一日喎...咁就問...有冇附近幾日嘅同學仔呢?咁我當然第一個舉手啦~ 哈哈...我...915...都應該夠殺喇啩...點知途中殺出個程咬金...佢係 922...近我一日囉!! 即刻有啲失望...慘...但係個個人話...既然大家都差唔多...不如就送兩套啦~ 哈哈...得咗!!

我地又多一套書做 reference 喇!! 正...今次仲唔食硬你?! CFA...呵呵~攞咗套書之後...就真係要的起心肝讀書呀!! 唔准再咁心散喇!! 乖...

中場小插曲：中間不斷又好多人走...可能覺得太無聊啩...?!但係...我覺得...既然你 sign-up 得...點解唔聽到尾呢?! 真係難明...不過你精佢都唔笨...到到最尾尾佢先比隻 Sample Lecture CD 你...個 CD 真係唔錯...不過如果係教 Account 嘅就好喇...但係呢個世界...邊有咁大隻蛤蜊隨街跳吖...人地都要做生意嘛...