如果攞唔到破產費,咁係唔係做唔到破產?

1. 想破產, 但無錢申請, 好容易解決. 通知你其中一個債主 (最好係欠債最多嘅銀行 / 財務公司, 而非私人債主), 話你無錢還, 亦唔準備同佢傾分期還. 叫佢主動申請你破產 (叫做債權人入稟破產). 你一個仙都唔使出, 但結果將會一樣, 就係破產. 但佢申請你破產前, 手續上都要交比收數公司. 收數公司收唔到先會用法律解決. 你只可以坐定定等收數佬上門或打電話俾你. 當佢哋揾你時, 唔好唔聽電話. 直接同佢講你搞緊破產(佢哋查唔到真定假嘅), 扮死狗, 叫佢唔使再追. 可減輕d滋擾(但滋擾少不免啦).

2. 破產後揾工:
根據上市公司條例,為保護公眾利益,任何曾經破產的人仕, 因為其信譽反到質疑係唔可以做上市公司之董事. 但可以做上市公司的股東.
私人有限公司因不涉公眾利益及並非上市, 所以不受此例限制.解除左破產的人,可以做私人公司的董事及股東.
在以下情況, 曾經破產的人仕唔可以做私人有限公司的董事及僱員:
a.當該職位之職責是需要專業資格, 而該專業資格因其破產被取消 - 例如:公司財務董事, 會計師, 律師, 測量師等.
b.受政府條例所規限及要領牌之職位. 例如:股票行之營運董事, 持牌董事, 出市代表, 經紀, 入盤員等, 地產公司之持牌董事, 經紀, 保險經紀, 保安員等.


c.該行業公會制定的僱員手則所規限的. 例如:銀行. 如你破過產, 在銀行做茶水阿姐都唔得, 除非銀行唔知…
其他非專業工作就影響不大.

3. 一直唔還錢,但又唔申請破產, 銀行一定會揾收數佬搞你同你家人. 財務就更加會揾幾班收數佬搞你同你家人. 搞到你還為止. 因為邊個收到條數就邊個有錢收.

4. 大把啦! 搬屋, 着草番大陸避債大有人在. 欠債多嘅銀行會申請佢破產. 欠債少而走佬, 銀行會登佢上信貸資料庫嘅監察名單. 到佢用新地址 / 電話申請水電煤, 手提電話, 銀行戶口, 登記做選民, 交稅就會將新地址電話update, 再分俾d債主, 咁就有收數佬再上門.

你可以去以下網址，有好多實用資料
http://www.veevee.net/discuz/forumdisplay.php?fid=9

這種情況，我會提議你去東華三院，去搵D社工傾傾，好個你四圍鍾，Tel:2548-0803，希望幫到你，因我已走出困局，希望你也能。

1. 小弟想申請破產,但最近又無工做,攞唔到破產費,咁係唔係申請唔到破產?

答︰係！

2. 破產後揾工係唔係好埋煩?

答︰唔係！
除咗Peterchan7708講的工作外，如︰會計師、律師、銀行、保險、上市公司主席等外，仲有唔做得紀律部隊，如警察、海關等。

除非僱主要你入職時申報，如信和集團，或公司是供公積金的，如G4外，其他工作都不用主動通知僱主你是破產人士，破產處都唔會通知你僱主的。所以你做香港大部份工作都可以，沒有問題的，不會有人知的。

3. 同埋如果一直唔還錢,但又唔申請破產~銀行會唔會排人搞我?

答︰你用「搞」字不具體，你要明白追數有分合法和非法。你唔還錢，咁當然要追數啦，如果唔係邊度有人會還錢架！銀行的追數全部都是合法的，一般包括寄信、打電話追數，內容是通知你要還錢，不會恐嚇或傷害你的。當然人地會語氣差，但通常粗口都唔會講。

4. 同埋有無師兄,試過唔還錢,但又無申請破產?

答︰都唔少，只要你冇借大耳窿，所有合法的追數行為都好似「無牙老虎」，所以都有不少人「走數」！

5. D銀行寫咗D信來,話如果交咗比收數公司做既話,要加你收數公司既手續費~其實佢地有無權咁做?

答︰有權！你在申請債務時所簽的條款包括了這項，以前銀行無王管，鐘意收幾多追收費都得，但後來有一場官司打過，個官判咗銀行不可亂收費，定下了案例，最多只可收取債務的30%作為追收費。

6. 重有如果我犯法坐監既話,欠銀行D錢,又會變成點?

答︰冇乜點，咪當你走數囉！條數會一直留在銀行紀錄，除非你申請破產或者過身，否則都不會消除的。

別以為銀行會申請你破產，你無車無樓無資產，銀行申請咗你破產都無著數，不如叫追數公司追你，追到有錢還就最好，追唔到又唔使俾佣追數公司，無損失嘛！你知唔知銀行要申請你破產，仲要額外俾成二萬幾政府，點解銀行仲要咁傻仔先？

2008-07-02 22:41:34 補充：
你未申請破產，你不要告訴追數佬你已申請，他們會問你破產排期編號，你又冇！你話過幾日才去申請，人地係可以查到的，發現被你騙了，下次再打電話給你時，就會對你惡D。

你都是「拖」字訣吧！