✔ 最佳答案
我係讀社工的,已畢業將會註冊做社工。
認受性:
我讀書時知道行內都幾鍾意社工學生畢業於中大、理大同樹仁。
因為樹仁讀四年,會有三次實習機會,對比其他學院只有兩次
實習機會,所以經驗會多少少,所以出面都幾鍾意樹仁既社工
學生(始終多啲經驗無人唔鍾意呀)。
出路:
講到當社工之外既出路,其實讀完社工無話限定你一定要做社
工,不過我自己覺得,讀完唔做,咁點解要讀呢?
不過講其他出路,我知道有人讀完唔做社工反而去做保險,
又聽過有人去做議員助理,其實做咩都可以,社工課程只係
俾個途徑令你可以註冊做到社工,但之後係咪要做社工,
就要自己考慮清楚啦﹗
就業率:
如果以今年既就業率黎講,今年算幾好景,搵工都唔太難,
但係用早幾年經濟低迷咁睇,搵工就勁難,好多社工畢業生
搵左好耐都搵唔到工。我唔知幾年後社工就業率係點,只可以
講今年就唔錯,有社工同我講,佢地中心請左好耐都請唔到人
(又或者係請唔到合適既人)。
特別之處:
因為我唔係讀樹仁,所以唔係好清楚課程有咩特別。SORRY﹗
不過我簡略望過佢要讀既科,同我喺其他U讀既大同小異,
我諗課程分別唔十分大。最特別可能係佢既校園,因為係
一個個課室咁上堂既!
Interview:
我以前interview係咁既。
大概in左4個字,individual interview,首先用中文同你傾下計,
問下你既興趣等等,之後再用英文同你傾陣計。最後要你睇
一篇英文newspaper,然後要你簡單講返佢聽篇報紙講咩。
成個過程就係咁,但由於已經係三年前,我唔清楚宜家會唔會
有咩變動。
希望對你有幫助。