杰,我個倉鼠原來係瘡生左4-5粒,爆左2粒,吱左D龍出來,無事但2-3 日後又生,請come

樓上網友講既野唔同意,希望網友唔好介意及可以留意一下:
千祈唔好用人既藥物在鼠鼠身上,藥物係根據動物既體型去決定劑量,人鼠相差差咁大,藥既份量唔同,所以人既藥對鼠鼠唻講會係好重,加上鼠鼠會舔返d藥,咁就更危險了
　
A.有液體整出唻應該係瘡唻,瘡多數係有傷口,冇理到再受感染而做成,爆完再受感染就再生過
而家鼠鼠唔舒服,都唔好俾零食俾鼠鼠住,食鼠糧同草,同時可以俾D白麵包同麥片俾鼠鼠食,補充營養

瘡既話,最好在爆之前就處理好,而家爆左就好麻煩,好難好返,鼠鼠又會成日攪佢,咁就更難好,所以一定要睇醫生處理,記得環境衛生好緊要,唔好攪鼠鼠既瘡
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷
　
某d情況放膿可能要麻醉,如果你隻鼠年紀大既話,就要考慮清楚先好決定,老左既鼠好難承受到麻醉藥既
　
B.呢個情況都需要較多儀器,可以到大圍度睇:
大圍珍禽異獸及寵物醫院 DR.TIGER
Tel: 2687 1030地址:大圍積信街75號地下
http://www.taiwaiexotic.com/
　
另外以下既醫生都唔錯既:
旺角動物診所 - 梁醫生
九龍窩打老道66號A地下
電話 : 2760-1026
　
夏利維動物醫院 - Dr. Chris,Dr. Michael
天后永興街37號地下
電話 : 2570 6048
　
平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
　
C.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)仔細檢查籠有冇野整傷鼠鼠,又或有冇第隻鼠整傷佢而形成瘡,有咩問題都要盡快處理
4)唔好俾風直接吹到鼠鼠,要鼠鼠保持溫暖,太熱先可以遠吹風扇
5)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
6)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

D.唔係好明牙斜左同咩左,係咩意思,牙斜左就要留意鼠鼠會唔會牙過長,有冇合唔埋口,咬合不正,流口水既情況,過長既話就要搵醫生同鼠鼠剪牙,唔係就好易死架啦
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.

未過長既時候,你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全

我有個辦法就係用D天拿水LAR下佢就OK喇

要點先幫到佢? 最好, 俾獸醫睇下.

我覺得
1) 清潔和消毒佢個籠
2) 檢查佢d食物 (是不是佢可以食?)
3) 爆左瘡, 要幫佢擦藍藥水.

最好, 俾獸醫睇下.