長途電話.由香港手提打去北京

首先,打長途電話,號碼係:IDD公司既字頭+國家號碼+地區號碼+電話號碼.以北京來講國家號碼係86地區號碼係010(國際長途唔使號碼前面既0).
至於長途電話公司既字頭呢,就視乎你登記左用邊間公司既,譬如電盈就係0060,假設北京個號碼係87654321,全個號碼就打0060 86 10 87654321,如果無登記過任何IDD公司的話呢,咁有三個方案:
第一,如果你唔介意價錢,可以打001(手機亦可以用+號,同様作用),呢個唔使登記既,因為一直預設左用香港電話公司,即係而家既電盈既網絡直撥打長途,收費好貴,幾蚊一分鐘.
2,問下你用緊個台,因為佢地都有做長途,你可以叫佢地幫你開通IDD,問埋佢地字頭,價錢會平過001,不過都唔係最平,可能要一兩蚊一分鐘.
3,你可以自己格價,市面上好多IDD公司,例如1666,1507,1686.......佢地可以平到唔使$0.1一分鐘,登記多幾間都無壞,唔為唔用唔會收錢.

由於唔知你用邊間電話公司，你用手提可以打+8610(電話號碼)就得。