請問,如果我得罪了”港專”的(入學申請職員),那麼現在重讀夜校F5除了,仲有冇其他的選擇??

如果你想讀夜校中四五課程，除了港專外，其實仲有香港路德會辦的夜校可以選擇。

路德會有四間夜校，分別係
路德會沙田夜校 (沙田)
路德會呂祥光夜中學 (屯門)
馬陳端喜紀念夜校 (將軍澳)
路德會聖十架夜中學 (荃灣)

唔知你之前想報邊間港專？呢幾間夜校都係喺新界區，但全部都係鐵路沿線，就算你住港島都好方便。

你唔見咗學歷證明，其實可以同職員講，我知道好多人都唔知咗學歷，只要你報名時同職員講聲，加上有多年工作經驗，睇吓有冇酌情權，我以前有幾個朋友去報，都可以後補。

而且，我知道呢幾間夜校係除咗港專外，差唔多係唯一屹立不倒嘅夜校，而且仲好似每年多咗人報，因為舊年冇開荃灣間夜校的，證明應該有一定口碑﹗

學費方面，港專有政府資助，可以退回三成以上學費。而路德會都有同樣的資助，由教會回饋三成三學費，當然都係要達至六成出席率。不過有一點比港專好的，就係只要你會考十四分連中英數合格，就可以有等同中五學費的獎學金，我覺得呢個都幾好，會逼到有心人去讀書，讀得好，成年就免費。

其實如果真係想知佢好唔好，你可以在雅虎知識度SEARCH，好多都有講呢個會的夜校。

最後，想提你一點，中五會考就嚟冇，真係想考就要快啲報名，今年應該會多人報，因為最後一年嚟緊，同埋多咗人問夜校嘢﹗我覺得你都係快啲考會考好啲，始終，做咗嘢咁耐，知道香港地講就話好多選擇好多條路行，但最終咪又係睇返最傳統嘅嘢。所以無論你諗住第日讀咩都好，點都應該考咗人人都重視嘅會考先，唔係驚累咗你一世。

俾埋幾個夜校網址你自己去睇吓同比較啦﹗你就會發覺邊間夜校係有心搞咖啦﹗

路德會夜中學聯網：http://www.evening-college.edu.hk
港專：http://www.hkct.edu.hk/gse/images/everningprogram_1.html
胡中夜校：http://www.plkwcces.edu.hk

2008-07-01 23:51:59 補充：
係咁咖啦﹗老友﹗怨都冇用，日子都要過，如果你有乜想知再問啦﹗我都識好多人讀夜校，仲要係近幾年，想拎返張CERT，好好睇睇，你唔算年紀大咖啦﹗我覺得呢家太多聲音話呢樣得嗰條路又路，最後嘥錢之餘又嘥埋時間，不如一早的起心肝拎人人認同嘅嘢好過，香港地，真係唔好隨便做白老鼠﹗

本人係資深教育顧問,會有好多好介紹,可以打個電話問問我,91932246,把握機會