[其他]~~月供基金問題

要選擇經銀行定保險公司買基金，首先要知道佢地可賣邊種基金。
先講保險公司。基於香港的發牌制度，保險公司只可以賣有保險成份的月供基金，亦即投資相連的基金，俗稱101單。
銀行賣基金都要攞牌，基於香港的發牌制度，但佢地申領左的牌照比保險公司多，所以可以有幾種賣基金的方法。1. 逐次逐次買賣，基金以美金計，每次買賣最少金額為港幣2萬元。2. 月供形式，分a. 月供純基金，b. 有保險成份月基金（101單）。
所以如果你想逐次逐次買賣，只銀行有得做。如你想月供，咁就要下你想月供純基金，定月供有保險成份的基金。月供純基金只銀行有得做，恒生只接受網上投資，ICBC分行可以做，有職員同你辦手續，有唔明可以問（合新手）。至於有保險成份月基金（101單），銀行同保險公司都有得做。
首先睇下基金報表內的資料，http://www.icbcasia.com/big5/retail/invest/fundinfo/ut_fs_JFAO_ZH_HK.pdf
呢隻只係其中一隻基金的報表，你可以見到營運的基金公司名稱，基金名稱，組合，分配，基金經理名稱，收費，往績等。
基本上銀行同保險公司都有好多唔同組合的基金比你擇，月供金額，ICBC最低HK$500，不過選擇就會少d。
月供純基金同有保險成份月基金的分別。
月供純基金︰無合約，無年期，可以隨時停供，贖回（變回現金），只收取基金報表上的收費，轉換基金即賣出A基金，買入B基金，只收取報表上相關的費用，沒有轉換費。由於沒有年期限制，就算買錯了，損失有限，有手尾跟。
有保險成份月基金︰有合約，有年期限制，由3年至30年不等。報表上的收費要比，保險公司或銀行亦會收取佢地的行政費及保費等各樣費用。有些合約寫明頭1-3年繼單係唔會比番錢你，有些合約則寫明無論幾時斷供都要繳足全期費用，好多時頭幾年斷供是收唔到錢。所以一定要問清楚，中途斷供，cut單，點罰錢，條數點計。因為好難講在合約期內會唔會斷供。
基金價格可升可跌，兩種月供基金都沒有保証回報，sale講比你聽那個回報比率都係估計同預計，到時大跌佢都唔駛負責任。所以投資前要先評估自己可承受風險的能力。
你決定選那一種基金買賣方式，自然可以選到應到銀行買定保險公司買。

我覺得兩者各有好處:
銀行方面, 落街就有, 而且有些基金產品不含保險成份, 短線投機比較適合。
保險理財顧問公司則有專人跟進, 免費個人理財分析, 可同時選擇多間保險公司產品, 產品選擇多, 適合中長線投資者或想計劃個人理財人士。
如需理財協助可電郵給我: [email protected]

其實你要睇返你的目標, 如果係短期,你係銀行買無期月供, 不過每次供款頭5%係手續費, 1年內贖回會收1% 費

至於有年期月供基金, 你可以搵多幾個保險代理人或保險經記問下, 了解多d, 畢竟果筆錢係你自己的

我自己係獨立理財師, 代理本地及外國平台的基金, 有興趣可以同我傾