有關倉鼠問題??杰快d黎

16條問題唔夠字數去答,又唔想縮減唻答,所以部份回答煩講參考我其他回答既知識,已附上連結,謝謝!我十分喜歡多問題既鼠友,問真d先去做點都好好多,希望你都唔好怕煩睇埋附上既知識
唔知係咪未買鼠既呢?真係好希望你可以考慮一籠一鼠,尊重鼠鼠獨居既天性,鼠鼠會健康D,同你既關係都會好D,繁殖鼠鼠真係有好多問題,我細個都成日咁做,除左有一大埋鼠之外,仲會見到鼠食鼠,難產,子宮腫瘤等問題,真係諗起都怕怕

A.鼠店既鼠係會打交既,有寵物店既人講過,會將打交受傷生病等既鼠鼠放去第d地方,等佢地自生自滅,而我都有見過鼠店既鼠有鼠食鼠既情況,同店員講都冇理會,鼠店就更加唔會俾你知有呢d問題
而鼠店既鼠的確較少打交問題,因為獨居既鼠年幼較少地盆心態,好多時都係大大下先會打,好易令人以為鼠鼠係可以一齊住

B.買鼠同鼠用品既價錢可參考:
http://hk.knowledge.yahoo.com/question?qid=7007080501396

C.想放鼠鼠去咩籠?鼠鼠用既籠一定要留意返係安全同唔會走鼠,如果係通風式既,隙唔可以太大,唔係鼠鼠會走到出唻,籠既安全方面最緊要唔會有物品整親鼠鼠,2)唔會有位會卡住鼠鼠,地板,樓梯,轉輪都唔可以有隙,卡住既話,又冇人在場,卡得耐好易整斷腳甚至整死鼠鼠

D.生B機會好大,鼠鼠繁殖得好快,4-5日,其中既4-12小時,鼠鼠就會發情

E.生完唔可以掂鼠B,到鼠B 21日大戒奶分籠時先可以,唔係鼠媽易唔理or食鼠b,就算已經去到十幾日,都有咁既機會,我細個及已經有其他知識有呢個情況,其實鼠店買到既鼠都咁上下大,實在冇必要去自行繁殖,如果真係

F.冇辦法,因為倉鼠係獨居動物,就算唔打死打傷,都會令鼠鼠感到壓力同受驚,從而有機會誘發甩毛肚瀉等疾病,一齊住既鼠,仲特別易咬人,詳細可參考:
http://hk.knowledge.yahoo.com/question/?qid=7008041101555

G.鼠打交時,可以用厚既手套or用物品例如筷子,小心將鼠鼠分開同分籠,但小心唔好整傷鼠鼠,都唔好用鼠鼠既用品去分,避免日後鼠鼠對該物品有負面感覺

H.唔可以一齊生活,答案同F

I.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,而如果同一籠有第隻鼠,就因為平日生活已經令鼠鼠感到壓力,而令鼠鼠特別怕被攻擊
咬人仲有第D可能,好似手有食物氣味,肚餓,牙痕,懷孕,生病都會,詳細請參考:
http://hk.knowledge.yahoo.com/question/?qid=7008011003084

J.香港有既倉鼠主要都係小灰霸,小紫王,小銀弧,小布丁,熊仔鼠,小露寶,想知埋詳細D既學名中英文名同簡介,可參考:http://hk.knowledge.yahoo.com/question?qid=7007122301704

K.幾長命要睇返咩品種,熊仔鼠長命D,一般係可以去到2-3年命,\而較細隻既鼠大多只有1.5-2年命

L.覺得安全or覺得熱都會反肚訓覺,天熱記緊要留意返同鼠鼠消暑,唔係就有機會中暑,熱天要留意既事:http://hk.knowledge.yahoo.com/question?qid=7008041000759

M.養鼠前要考慮及養鼠要留意既事:
http://hk.knowledge.yahoo.com/question?qid=7008050302859

N.倉鼠一胎最少生兩隻(唔會生一隻,但有機會一出世就被鼠媽媽食左,從而見唔到),一般唻講最多都係生10隻以下,但紀錄係有26隻

O.養鼠要付出心機,時間,金錢,用品,

P.倉鼠分男女,你可以睇下佢排泄既位置,應該會有2個孔,分得遠d既就係男仔,相反近d既就係女仔.而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女;而大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
仲要留意,細隻既鼠真係好難分,鼠店都有錯既情況,所以最好睇真d,有唔止一隻鼠去睇就易睇得多

2008-06-30 23:53:16 補充：
Q.會,多數係爭住交配,又或已有死鼠,爭住去食鼠都會

R.懷孕係好難睇得出,而且會有假懷孕,如非拎鼠鼠去驗,實在好難會肯定知道已懷孕,只能從少少特徵去估,詳細可參考:http://hk.knowledge.yahoo.com/question?qid=7008050502235,如生B後返家唔見左,好可能已被食,鼠媽同其他鼠都有機會

S.熊仔鼠我覺得最易養,但體型十分大,要有足夠既空間先得,而且好大隻有D人會唔鍾意,細隻既可考慮小紫王,呢D都係比較乖既

2008-06-30 23:53:28 補充：
T.熱天,受驚,有第D鼠,新買鼠,都會比較呆,但要留意,唔舒服都會,所以要多D檢查鼠鼠既身體及排泄物有冇異常

U.如果生病,有D情況係會同鼠鼠打針

V.做手術當然有機會令鼠鼠死亡,手術係會有風險,而年老既鼠風險就更大

W.貓,因為鼠身上有種"牛黃酸",係貓既必需品,所以野生既貓會食鼠唻補充"牛黃酸";其實好多動物都足以殺鼠,所以千萬唔好將鼠鼠同其他動物放埋一齊

2008-06-30 23:53:38 補充：
X.懷疑懷孕就已經要將男鼠分開,生B後先知既話,更要分開鼠爸,鼠鼠生B後要留意既事,詳細可參考:http://hk.knowledge.yahoo.com/question?qid=7008021001290

Y.如果十分肯定處理得好既話,養鼠係可以養貓,主要要留意唔好俾鼠鼠有走佬既機會,而鼠鼠放既位置都要好好,貓好多地方都去到,比較難處理

點解倉鼠店既倉鼠唔會打架??
>>因為佢地仲細, 未有地盤意識,
>>同一胎出生的, 有機會不會打架

如果要買倉鼠既要幾多錢??
>>視乎你買d咩, 最平$200蚊都可以, $400 應該都非常足夠

如果買左倉鼠放左去第二d冇動物既籠得唔得??
>>第二d籠?? 如果倉鼠無可能逃走出黎, 且是通風的, 就可以

鼠鼠生bb既機會有幾多??
>>除非鼠鼠太肥胖, 一般都一定會生

如果生左鼠鼠可唔可以接觸鼠bb??
>>至少頭"十"日唔可以, 如果你接觸鼠b, 鼠媽會本能地食晒鼠b

有咩辦法令鼠鼠一起生活??
>>如果兩隻鼠打交, 基本上一定要分籠養, 否則有機會打死為止

鼠鼠打架點分開??(我朋友試過鼠鼠打架想分開佢地但係比鼠鼠咬到流血)
>>唔好徒手放入去, 搵d工具吧, eg 書

鼠鼠可唔可以一起生活??
>> 熊仔鼠一定係獨居, 其它雖然說是群居, 但仍有機會打架
>> 有機會因爭野食, 或爭地盘而打架

我朋友問點解接觸鼠,鼠會咬佢??
>> 因為鼠鼠唔知你係咩, 本能地自衛,
必須讓牠熟悉你的氣味和聲音

鼠鼠有分幾多種??(可唔可以話比我聽品種名?)
>> 敍利亞鼠, 坎培爾, 冬白, 中國倉鼠 << 大分~
>> 細分可以有好多種~~~

鼠鼠有幾多年命??
>> 2-3年

鼠鼠點解日日到係反肚睡覺??
>> 覺得安全, 反肚訓較涼快, 較舒服

養鼠鼠有咩要注意??
>> 注意衛生, 不要讓鼠鼠太肥

鼠鼠生bb最多有幾多隻??
>> 十隻左右吧, 視乎品種

養鼠鼠要比d咩佢??
>> 水樽, 糧, 水, 轉轉輪, 墊料, 玩具, 屋仔, 你既愛!!

鼠鼠點分男/女??
http://zizi-land.info/viewthread.php?tid=911&extra=page%3D1