✔ 最佳答案
人望高處,有心向會計發展唔應該只望做文員呢D職位,今個暑假仲未過,快D搵暑期會計班啦!我本身12年前考過初中級,只是因為剛畢業,暑期工有幫手做會計,開始有D興趣就盲中中走去考,因為當年不覺得會做呢一行,所以連證書都無囉,但有年幾會計經驗,之後無做會計8年,再做返,因為朋友介紹入去,發覺又有返興趣,而且會計人工又比好多職位高D呢!在06年再報考返哂LCCI,我是在暑假時段讀既,一星期上2堂,7月開始上課,12月已考到中級!起碼轉工都有個保障,而再係07年3月考埋高級,所以好多野睇你自己!有恒心,半年內一定考到中級的!到時初初做1-2年文員捱起,一邊做一邊讀上去,如果會考底子唔好,可以考慮考完中級後轉讀AAT,因為AAT一般要求是LCCI中級,再讀完AAT約2年-3年時間,出黎人工又會多D!
當然,如果會考好,可以考慮SPACE既ADV DIP或其他DIP,始終出黎會多人請D,人工更可觀,在SPACE讀2年好過在IVE讀,我同事讀IVE 2年既DIP只能EXEMPT AAT既4張卷(LV1),但SPACE既ADV DIP,2年半已經可以EXEMPT 8份卷同埋ACCA既5張PAPER,出黎做野待遇亦差好遠!我今年會報讀SPACE既ADV DIP,目標係希望人工可以快D過20K
而家你反正未知會考成績,不如報讀左LCCI既COURSE先,唔好再讓時間虛度了!起碼就算同人爭文員仔,都有D武器去同人競爭!我都後悔當初唔讀好去,搞到臨老先黎同人爭飯食XD
仲有呢,讀DIP都要睇讀咩學校,一般讀DIP都要求至少5科合格,所以你唔使諗咁多了,等放榜成績既同時,積極裝備自己吧!