我想問機票 點訂 我想去台灣

我岩岩去完台灣自由行返黎無耐^^

我o既機票同酒店都係搵旅行社幫我訂架，因為我覺得始終保證d，不過你要花小小時間去格價，因為每間旅行社價錢有別架！如果係旅行社o既話可比現金或者信用卡。

如果係跟團飛o既話(即係旅行社o既Package)價錢會平d，呢個係到時到機場先羅機票。如果佢浮係幫你訂機票o既話價錢會貴d，機票旅行社度羅。

其實只要有一張台證就可以去到台灣架啦！

香港或澳門出生人士，持有效半年以上o既特區護照同香港永久性居民身份證，就可以用以下途徑申請簽證：

~ 網上申請(不過我個人覺得無咩作用囉，因為當時我都係用呢個方法，但到機場都一樣要排隊，照樣要比特區護照同身份證，根本就同親身去機場排隊無分別囉=.=)

~ 到香港機場內o既離境大廳K段中華旅行社櫃位申請"臨時簽證"

~ 到達台灣個邊先申請"落地簽證"


如果係中國出生人士，就算持有半年以上o既特區護照同香港永久性居民身份證：

~ 要親身到香港中華旅行社(金鐘道89號力寶中心第一座4樓)填寫表格，附上一張2" x 2.5"證件相、身份證正反兩面副本、寫上地址(唔洗貼郵票o既航空回郵信封)，同帶身分證正本以供審核。

~ 首次申請需時大約21個工作日，之後再次申請大約10個工作日。

我岩岩都去完台灣，希望可以幫到你啦！