懷孕期牙痛一問,有冇人試過?

懷孕期間，因為BB會吸收你身體內的鈣質
引致你自己分佈去身體其他地方既鈣質減少
當中包括左牙齒，骨骼
所以有D人會流牙血，甚至會甩牙

如果你對牛奶唔敏感的話，你可以試下每日都飲杯奶
鮮奶既話就要飲低脂既，叮番熱佢先好飲
另外亦可以飲孕婦奶粉，因為孕婦奶粉除左包括
孕婦每日應攝取鈣質的份量外，亦有其實孕婦應吸取既物質
對孕婦同BB都有好處
因為有D人有左之後體質變左會對藥丸敏感 (我有左既時候都係)
攪到個身同面都生D紅粒粒出黎，飲奶反面冇事

另外你亦可以煲D豬骨湯飲，豬骨有好多鈣質
加埋D花生，雞腳，木瓜一齊煲，都幾有益
有D老人家話牛會比較毒
所以有D人就唔會用牛骨煲湯同牛肉都唔食，驚對BB皮膚唔好
不過每個人都唔同體質，要視乎你自己喇

ＢＢ唔會搶媽媽牙齒既鈣架=.=亦都搶唔到....
懷孕既媽媽牙肉係會易d紅腫....都係正常....
你牙痛....係有好多因素....可能隻牙再蛀都唔定....
但你又唔照得 x - ray .... 所以你真係好痛既時候....
你直接去睇牙醫啦

我試過出牙血,牙酸,牙痛~如果你痛得嚴重要睇牙醫啦~唔好亂食止痛藥!!!

懷孕期係正常架!ＢＢ搶鈣呀!!你可以去買孕婦食的鈣片,我有個介紹就係攝達＋Ｄ,係為孕婦或授乳期婦女而設,我懷孕期間都係食佢,都係人地介紹^^你仲要多喝牛骨湯!!我媽話以前Ｄ人無咁好環境,Ｄ人大肚又無野補養,好多都缺乏鈣質,有Ｄ無牙,有Ｄ就骨質疏~

不過我地而家就唔怕啦~有鈣片,又有孕婦維他命~幾幸福~

祝你身體健康,平安順利咁生個肥肥白白既ＢＢ^^