急急!!!重讀中六轉科 的問題 AL econ->AL 西史

我都係中六既學生. 本身亦有修econ.
對於econ, 的而且確係一科非常難應付既科.
特別係好似我喱d分析理解能力咁一般既同學econ對我黎講係難上加難-_-

轉科係一個解決方案之一.
但你有無諗過重讀中六既話原校會唔會收番?
如果原校收唔番就要出去搵學校. 基本上唔係會考廿幾分既話都無乜學校會願意收番你讀中六. 最後可能就要讀私校
但係又要面對高昂既學業......而且佢地既教學質素真係參差
當然我唔否認有不少好老師. 但私校既教師教學熱誠一定比津校差天共地, 入大學率亦無可比擬.

當然, 你原校亦可能會收原校重讀生既.
但你一重讀你既機會成本就係你升讀中七/入大學.
換轉黎講亦即係增加左你升讀大學既time cost.
將來一年時間既收入.
可能, 你會覺得你仲好後生, 基本上都無咩影響.
但係大學呢? 你覺得佢收生既時候會唔會考慮你重讀果一年呢?

其實, 如果你econ唔係真係差到一頭無緒既話我既建議係係喱個暑假好好溫習. 溫故知新. 可能開學之後你既econ就會好似開左竅咁呢!
不過, 當然喱d就只有偶然性,
如果你真係發現自己既能力係完全唔適合修讀econ既.
你有得drop都可以drop佢. 無謂咁堅決浪費果一年丫.

最後, 我都想提番你, 西史上到al都係一科好棘手既科目.
雖然我無讀過西史, 但都知道讀西史都需要花不少時間去溫習.
讀al必定需要努力, 就算你最後選左中六重讀都要記住喱點.

對唔住, 講左咁耐都無解答到你既問題, 只係帶更多既問題俾你.
講真你要我分析你重讀中六定上中七既入大學機會高d我就係無辦法話你知.
始終我唔認識你, 唔知你讀邊一科好d.
如果我特登俾個數字你你都唔會信我啦!
但係, 我覺得你要相信自己, 如果你問晒老師﹑同學﹑屋企人既意見都覺得自己俾適合既, 咁咪去做囉!
我都聽過唔少讀到中六一半無讀再番去讀然後仲拎唔知幾條a既事例啦, 雖然大家情況唔同
但殊途同歸, 大家都最後都係有希望有心讀中六上大學既, 我相信一定有學校會俾機會會收既. 努力啦!

THX

不太建議轉一科未曾碰過的科目
畢竟會較難讀
CE中的知識亦會在課程之中
如果你econ真的不行了,而你對歷史類的科目相當在行
如背野好叻,分析獨到
才好考慮
再者,應該沒什麼學校會讓你選一科未讀過的科目吧
不如再努力econ看看吧,真的不行了,才轉修吧
要轉修也可以選其他科,我看選一些與ce分別不大的科目好像好些