各位高手, 比D意見, THX!! - 新手唔知點算好

如果呢個時候冇反彈既話，我一定會沽390同820先，其他蝕錢股雖然看上去沒問題，但是我覺得這些蝕錢股(1088,883,820,656,390,3808)應趁今次反彈全部先沽出，留起賺錢股(1398,3988,11)，這些蝕錢股本質我認為沒大問題，但是買入價位比較貴，我覺得會在七月或八月會出現明顯反彈，大約這些蝕錢股會回升大約20%，到時你再走就岩了。但千祈就唔好入返基建股住，咩野1800、388、2628最多家庭主婦的散戶買入，即最多蟹貨係呢幾隻，我寧願打死都唔買，我會建議你的蝕錢組合換入66和2888，因為66呢種公用股根本唔會有人買，只有傻瓜會在公用股急升時當係寶而入貨，唔會有太大沽壓，2888股價散戶見到股價大，唔多見會有人入，沽壓一樣細，重有呢兩間公司，唔會因為炒過龍個價而大跌一半以上，而會跌到一個合理或理性的價位，相比1800、388、2628呢種愈跌得多，愈多散戶想走入去死，有水都唔流入66同2888肥田，2888長揸冇問題，66長揸我建議揸七年不沽出收足紅股和股息，回報什豐。點解11,1398,3988唔賣，因為11號我係150蚊就睇住佢升到165蚊，我認為強勢未止，所以認為不值得賣，1398和3988是中資銀行，今年大市靠中資銀行頂住大市的意義最大，而941和5只是配襯品。

朋友, 你這樣問是不行的.

看你的問法, 你其實是沒有自己的買賣方法. 別人叫你買便買, 叫你賣便賣. 股票不可以這樣做買賣的, 你更不應該養成這種每次遇上問題便依靠別人意見的方法. 每個人買賣股票都有自己的一套. 有人做長線, 有人做短線, 對唔同既股票, 每個人的熟悉程度都唔同, 因此會有唔同既判斷. 你唔好以為某個人係勁人, 所以佢既意見一定準. 畢竟D錢係你唔係佢既, 佢講野係唔駛負責任的, 但你照跟之後, 賺蝕你都要上身的. 所以, 你要自己做功課.

你持有咁多隻股票, 當初你點解買佢地? 理由係乜? 其實最最簡單, 係咪繼續持有既原因, 就係果個理由而家仲係咪存在. 舉例, 你當初買入一隻股票, 係見佢既股價升穿十天線 (咪當真既理由來買, 唔係輸死你), 所以買入. 如果佢依家已經跌破十天線, 咁無論你幾睇好佢, 都應該賣出. 等佢再升穿十天線後才再買入.

另外, 你要睇大趨勢, 如果大圍睇跌, 你就唔應該持有然後搏反彈. 如果佢一路唔反彈, 最終可能縛你三五七年, 咁就喊都無謂. 你應該要賣出, 即所謂的止蝕. 好似一位前輩所講, 如果你無法係低過買入價賣出你既股票, 你做股票長遠是無法賺到錢的.

記住, 重點係要自己做功課. 你唔自己做功課, 你永遠都只會停留係新手既階段, 無法成為中手, 甚至高手.

祝你好運!

2888 buy $200/220 sell $340 66 don't get it