有關副學士衔接問題

1. 副學士多數係第一年定係第2年衔接去degree??
大部分副學士學生係讀完成個課程，即第二年，先銜接上DEGREE的。但亦有以下情況例外︰
(i) 你讀完副學士第一年之後，用番 a level 的成績經聯招申請大學，咁你雖然讀完副學士第一年，但其實學校睇你都係中七學生。
(ii) 你用副學士第一年的成績，加埋中七的成績，用非聯招的方法向該大學申請入讀，呢個方法叫 non-jupus。
方法一、二都有人用，方法二來講成功率較底，但在 hkuspace 則較高，前提係你既成績要好好好好。


2. 第1年定係第2年衔接去degree好D??
有能力的話，愈早入大學愈好，即第一年。如果第一年入唔到，讀完第二年再試的都冇問題。肯定的事，以成功率來講，讀完第二年升上大學的比例較高。

3. 邊間U既副學士易D入U????
好難講，睇你a level 咩成績。最易入 ling u 同埋 poly hkcc 同埋 speed。

4. 副學士衔接自己間U係唔係易過其他U???
好難講，hku space 就入hku 就易 d，但其他ｕ其實分別不大。好多 u 都會話，讀我地的副學士，入番我地的degree 都易d，但講真，副學士同 degree 是兩個分開既部門，完全獨立於對方。就算有影響，都比較細。我見我以前的教授收副學士，都係睇 interview ，好少睇你邊間學校。我當年是 ive high dip 直接升上本地大學ugc課程的二年級，單憑interview 表現好，打底各大學的副學士學生。

5. 係唔係衔接副學士讀緊果科同其他科都係一樣難度???
唔明你問乜。

2008-07-04 15:13:36 補充：
5. 係唔係衔接本身讀緊果科既學士學位同轉去其他科都係一樣難度???

唔係，副學士要接上去學士學位，相關性係好重要的，由其對於本港八所大專院校而言。如果你讀生物科技副學士，接上生物學學士學位或環境學學士學位會較易，但接上去物理學學士學位或化學學士學位已經很有難度，如果要接上不相關的學士學位，如商業、文學、法律或工程，簡直是冇可能，除非收你果間大學只為搵錢而收你。
不過除左課程相關性外，你副學士的成績和入學面試表現都是十分重要的考慮因素。