血糖過高的中風病人可否叫十字車送佢入院?

糖尿病血糖高或低，是否需要即時call白車去急症室，就要視乎患者有無其他不適，如昏迷、神智不清、精神不能集中、冒冷汗、呼氣帶有酸果氣味等。如血糖高至連自我監察血糖機都不能測到，就當然要送急症，如血糖值衹是10-20mmol/L，且無其他不適，就算去急症室，都喺齋坐幾小時，抽啲血、取藥後就打發病人走。
曾經有一位70+歲，居住响老人院既糖尿病中風院友，午餐前血糖值達28mmol/L，call白車去急症室，衹喺幫佢打多幾度快效胰島素，寫咗封轉介信，取快期睇內科，搞咗半日，就叫返老人院，都無入住醫院。
仲有一點提提你，如果回家時，要求醫院安排車接走，職員衹可安排非緊急救護車服務，病人仲要評估合乎4大準則，先可申請，包括：長期卧床；或需使用氧氣；或獨居；或行動不便並居所無電梯直達。所以，最後絕大部份病人及家屬都喺搭的士離開。

2008-06-28 21:14:04 補充：
如果無特別不適，血糖高病人就要嚴格執行飲食準則，並最少連續3日自我檢查血糖，如3日後無改善，就可往普通科門診求診。

當然可以啦~十字車係攞黎救人命ga~任何有需要既人都可呼叫十字車~~