如何向已倒閉的公司追討欠款?

有限公司唔係無得追的!!

一間有限公司破左產, 清盤人會首先接管間公司, 然後招開
Meeting of Creditors, 若Creditors有百幾人,
會在當中選出三至五位Creditors入Committee of Inspection,
去監查清盤人在清盤過程中的一切支出是否合理~
清盤人, 大多係會計師, 會以佢地專業知識盡快將公司資產變賣做現金,
之後再找數俾Creditors,
唔夠的話先至係無得再追~ 分得幾多得幾多~~

但係, 若果某有限公司負責人, 以個人名義擔保向銀行借錢,
就算有限公司破產, 銀行一樣可以照追個負責人,
直至個負責人破產為止~

2008-07-20 22:55:12 補充：
對的, 有限公司若清盤時, 當下的所有淨資產會分派俾所有債主, 唔夠的債主都無得再追~ 除非證實到, 有限公司董事在清盤前兩年內, 在知道公司將要清盤下而進行一些違法的交易去將有限公司的資產以無條件下或賤賣方法轉移至某些人手中, 若證實這一點, 可以繼續追討

另外, 有限公司有名你叫, 責任是有限的. 即Limited Liability, 所以若果佢爭你錢, 照理論你會收佢較高利息(即premium)作為承受一部份Credit risk的條件~

以上的朋友講得無錯，如果有限公司清左盤確係無得再追的，不過以我經驗大部份有限公司執笠都係就咁關門大吉而無做清盤的，係咁既情況下你當然可以繼續追討欠款，不過由於公司執左，所以唔建議你去告佢，因為你告嬴左最終都未必收到錢，仲要先使一筆律師費。
如果係無限公司就更加唔使講，老闆要私人承擔筆債，一定追到天腳底都追，但都係唔建議你即刻去告。
無論乜野公司爭錢，最合乎成本的效益的方法就係搵追數公司去追，即使係已經執笠的有限公司，只要未清盤都可以追，而且追數公司係按實際收到幾錢先收你佣，萬一最壞的結果係筆債收唔返，你都唔會有額外損失嘛，如果係無限公司收唔到錢先再考慮告唔告。當然你要搵正當的收數公司啦。

首先多謝你的解答!!
另我想問因何有限公司倒閉不能追討?那豈不對像我這樣遭遇的公司便很沒保障!

要睇係有限公司定無限公司

有限公司倒閉清盤就無得追

無限公司東主要上身，如知道佢有資產，可繼續追；可用法律途徑或找收數公司