提升學科水平

我係今年中五應屆會考生，除左得張自己學校上學期嘅成績表之外，無其他任何國際認可証明，亦無任何工作經驗。只係有︰實力。

我諗你英文需要嘅係實習嘅機會。夠膽嘅，就不妨星期六日去尖沙咀條星光大道度同ｄ外國遊客／人傾吓計（你就話自己想做個幾分鐘嘅訪問，之後問下佢哋（例如）係邊度嚟，留幾耐，去過香港邊度，最鐘意香港邊度。唔使驚食ｌｅｍｏｎ，因為多數都會好樂意同開放俾人問幾句（既然佢哋都有閒時間去慢慢行，又點會無時間去同你傾一兩分鐘計？）

唔夠膽或者無時間得好緊要嘅，就自己同自己講嘢；諗嘢嘅時候都試下用英文嘅方式去諗︰例如，要去食飯嘅時候就同自己講︰it's time to fill myself~! GREAT !! I'm starving! 想休息嘅時候就同自己講︰it's time to take a little break.

要作文更好就去諗更多新概代去寫︰成日寫嚟寫去都係人哋講過幾百萬次嘅嘢，老師悶之餘，自己都唔會寫好多嘢，因為既然人人都知，自己又洗乜講多次？可以試下稍為超現實一d，例如︰依家大廈火警，點算？除咗話打電話報警、叫人走同自己走之外，可以融入少少英文人嘅「冒險精神」落去︰索好條粗麻繩，然之後遊繩而下。

當然，創新唔到咪完善已有嘅槪念囉︰詳細d，用字廣泛精闢d，內容可以緊湊d。例如︰依家大廈火警，點算？ go have a peek first to see if the fire is near oneself and if yes, call 999 without a moment's hesitation and immediately lock oneself into the unit, seal all the cracks using wet towels and duck tape......

要ge卷攞高分，最緊要兩樣嘢︰睇得快同埋理解到。要睇得快就練嘅姐，你想話睇南華早報都得，揀behind the news 或者 city 中間頁數嘅長文章做newscutting啦。覺得南華唔夠班嘅，不妨去「造訪」下美國四大報，即華盛頓郵報、洛杉磯時報、紐約時報同華爾街日報。經大腦咁睇得多，理解能力好易提高(大概都可以係正比咁上升)。

IS 要超過攞九十分以上，就要努力。唔可以話考試之前嗰晚讀到兩三點或者兩三點超身讀就叫「努力」，而係從一開始。當然唔係話從一開始就通宵讀書，而係從一開始上堂，就留心聽書，唔傾計，老師一路教，自己一路睇書同諗，唔明一係就「自行了斷」，一係就搵老師。(我諗呢d嘢你都聽過幾萬次，不過實行方面...？)如果自信心低到認為自己喺低年級嘅考試攞唔到高分係「資質」嘅問題，可以去死背爛背/做坊間練習︰既然學校同社會係要我哋求分數而自己又領略唔到d「知識」嘅話，咁就要從考試會問嘅問題入手。

去補習社究竟解唔解決到你所謂「想提升英語同科學水平」嘅問題呢？大型補習社出嘅「中文範文集」裏面一定有一篇話「解決到，因為補習社其實並非那麼只求財，而係去補充番學校老師嘅資料同輔咗因為課程太緊湊而跟唔上嘅同學」，最後就會用學生得出嚟嘅分數作論證。始終，都係解決唔到個問題，因為高分數並不代表高水平。