急啊！ 怎麼安慰高考考的不好的人？

其實都未放成績，你朋友又知自己考得唔好?????我稔可能只係你朋友太擔心，亂多左姐，而且都已經考完啦，無論佢點稔，件事都唔會改變，不如積極啲，為未來打算下!!!!

你想安慰佢，我明白你係出於好意，不過講真，我都係高考過來人，我知道如果真的考得唔好，無論點安慰都係無咩用，因為成績的打擊已經蓋過哂一切，當年我考得唔好，任憑我男朋友點氹，我都係無反應，所以你與其稔點安慰佢，不如更實際做啲野去支持佢更好。

其實考高考係一件痛苦的事，你想支持朋友，我有以下幾點，希望可以幫到你:

1. 你可以同果位朋友係呢幾日一齊搵定啲升學資料，計劃定唔同的分數有唔同的計劃，甘萬一真的有事，都可以唔洗甘驚

2. 係放成績果日，如果可以，盡量抽時間陪果位朋友去睇成績，其實一個人要自己面對甘大件事係好大壓力，如果你可以陪佢去，比多啲支持佢，佢會定好多。仲有，唔好追問佢考成點，其實從佢的反應你大概會估到，果時你可以拍下佢膊頭，話佢聽，你會支持佢，呢一句說話，對佢來講係好大的安慰。如果佢要喊，你就由佢喊，喊左出黎會舒服好多，唔好收收埋埋，屈係個心度仲辛苦

3. 其實放左成績後，都無咩可以做，你應該先同果位朋友食啲野，再傾下要點做，當時我考得唔好，我喊哂甘，我都係同朋友去食早餐，放鬆下先，等自己接受左現實，先再稔下一步，如果成績不是太好，但仍有機會讀大學，你就要稔點改jupas，因為佢仍有機會的

4. 如果差到認為自己無行，都要改左先，之後再搞副學士，關於去報副學士，high dip，其實不用急，因為果啲唔係政府資助的位，係你有錢就有的讀，(當然成績不是差到肥哂啦)，當時我放左成績都無立刻去報，我都過左一兩日先去，你可以盡量陪佢去報名，始終有一個人係身邊比較好，可以有商有量，始終你係局外人，你會比佢冷靜，有時甘樣反而幫到佢

5. 總之，你一定要比佢冷靜，放左成績，你朋友如果真的不幸，佢一定會方寸大亂。你的支持可以令佢有信心撐下去。周圍去搵學位可能會好累，不過唔好比你朋友一個人去應付呢件事，盡可能陪佢。起碼食飯時，都有個伴，唔會孤零零啊呀!!!

希望你朋友高考成功