到日本留學要注意什麼?

你係唔係係關東地方(東京個邊)留學??
如果係既話你可以買一張叫SUICA既咭(係JR站就有得買)~佢同八達通係差唔多的

如果你來往你學校同你住既地方係要搭JR既話~你買定期票係會計落平D既

如果你打算3餐都出去食既話~其實都冇咩好帶~如果你知道你住宿既地方可以比到你煮公仔麵既話你不妨帶D過去~杯麵都可以~因為日本食野好貴，你都未必會日日出去食

你要檢查下你帶去既電器既火牛係唔係國際火牛(INPUT係100-240V個D)~係既話你只要帶3腳轉2腳既插頭就可以了~如果唔係記得帶埋變壓器

日本夏天好曬，記得帶防曬/帶把遮出去


日本人其實分唔出HK人同本地人(我同D FD成日比日本人以為係本地人問路...)係新宿個邊會有較多牛郞拉生意，唔好理佢走就OK

坐JR如果遇上繁忙時間驚上唔到車既話等D人推你上車就上到

初初坐JR記得睇清楚自己一定要坐普通車定快速車都得~因為快速車既話有D站係唔會停既
你一開始可以係JR站D客服中心度拎時刻表/JR網都有時刻表~用黎計劃要咩時間搭咩車

希望對你有用~

如果你仲有野想問可以MAIL我~唔好只係依度問...我唔會返黎睇....

日本人好重視儀容,女一定要化妝,男一定要染金.
如果係女仔,注意街上男人答仙,因為好多av都係街頭覓食.
日本交通好過香港好多,又平,答電車記得買套票,有一種套票係一個月可以任答.注意過馬路,日本好多都冇交通燈,記得過馬路一定唔可以亂過.日本冇八達通, 但係佢地有一種功能係用手機俾錢,出好出返部手機,可以用手機do一do俾錢,同八達通差唔多.