基金邊度買比較好？買基金的好壞處？

要解答這兩個問題，（基金邊度買比較好？買基金的好壞處？），首先要了解基金的特性，我嚐試介紹一下。
基金是其中一種投資工具，組合繁復，大致上可以分為投資市場，如環球，歐洲，亞洲，新興國家，個別國家等。投資工具，如股票，債券，外滙，現金等。以下是其中一隻基金的報表。
http://www.icbcasia.com/big5/retail/invest/fundinfo/ut_fs_JFGNR_ZH_HK.pdf
當中你會見到佢的組合比例，過往的業績，收費，基金經理的名稱等資料。
再講下基金可以點買賣。可分逐次賣買（可經銀行做），每次最低消費不少於港幣2萬。
月供，分純基金月供，和有保險成份基金月供。純基金月供，只銀行有得做，恒生只接受網上認購，ICBC分行有得做。銀行只收取基金報表上列出的收費，同埋都有好多種不同基金比你選擇，可以轉換基金，每次轉換基金即賣出A基金，買入B基金，報表上的費用要收的，但沒有額外費用。沒有年期限制，幾時唔供及贖回都得。新手好多時都會揀錯野，純月供基金冇年期限制，蝕極有限。另一種是有保險作份的月供基金（俗稱101單），保險公司同銀行都有做，這類基金有年期限制，由3年至30年不等，除了要比基金報表上的費用外，銀行及保險公司會另外再收佢地的費用，而且無論你幾時斷單，都要比足全期的費用，就算你中途轉換基金組合，即賣出及買入，都要比基金報表上的收費，中途斷單會扣錢，你要問清楚，通常佢地sell 你時只會帶過就算，到你真係斷單時就同你好認真咁計數。
基金邊度買比較好？你要睇下你想點買基金，逐次交易，還是月供，銀行同保險公司都有得買。
買基金的好壞處？以月供純基金為例，好處︰平均成本，因為乜都唔識，都唔知幾時高位，幾時低位，供得2-3年，一定有d起高位入，有d起低位入，咁就可以平均到成本。唔駛自己操心，咁多隻股票，鬼知買邊隻，賣邊隻，幾時買，幾時賣，買基金就乜都唔駛自己煩，有基金經理（報表上的那位）攪。壞處︰收費貴，每次買入賣出都要比認購費及贖回費，所以隻基金要超過6%升幅你先開始有錢賺，如果是有保險成份的月供基金，要更大的升幅才能支付埋銀行或保險公司的費用，不宜短線投資。
另外，有些地方新手都要留意的。無論是銀行或保險公司都只是提供一個交易平台比你做買賣，而真正過作基金是基金公司及其基金經理，在報表上，你可以見到基金公司的名稱及基金經理的名稱，佢地先有權及有責去跟據基金條款去買賣，同埋決定幾時買，幾時賣，目的是要令基金價格提升。好多保險公司話有基金經理會幫你睇住份單，這時你要攪清楚佢地講的基金經理係邊個，報表上的基金經理一定唔會睇你張單，你的投資可能唔夠人地食一餐飯。至於銀行及保險公司的基金經理跟本唔可以決定隻基金組合內的買賣，咁，佢地又點睇住你份單？！而且有時間都搵多個客，簽多張單拉，收回佣架。
基金的風險可以好大，要先衡量可承受風險的能力才投資。

匯豐銀行有零認購費系列基金，免認購費及轉換費。

2008-07-08 20:55:35 補充：
在基金公司月供基金，HK$1,000 便可以，毋須大額：
http://www.jfam.com/JFAsset/web/promotionsFile/LTF/landingc.html

在網上買賣，HK$5,000 便可以，銀行反而要較大額：
https://www.myjffunds.com/mjfWeb/record/index.jsp

單一基金其實有幾個地方可以買到
1. 銀行
2. 基金公司
3. IFA
三者個手續費都差唔多. 分別在於(1) 沒有投資意見, 客人唔知幾時放, 唔知買乜好又無專人跟. (2) 可能要大額先可以開戶, 買就只可以買該基金公司既基金, 一樣無專人跟. (3) 沒有限額, 有投資意見, 又有個私人顧問睇住.
好處: 可以分散風險, 買到環球股票, 債券, 商品既市場, 唔洗單單買A股, H 股咁悶
壞處: 回報可能比股票慢些, 但勝在夠穩陣.
如想了解多D, email 我 [email protected]

你好,
基金係銀行買就手續費貴啲...係銀行買基金有嗰問題一定要知..就係銀行會常常同你講轉換做其他基金...因為轉換銀行先有錢賺...轉換費同買賣差價......銀行愛什麼客人-户口有20萬買基金但常常轉換...都不喜歡放10億現金無做任何投資的客人....點解..因為10億現金的客人bank要anytime ready 10億現金for佢拿.....可能有啲長唔知你明唔明我意思...
我本人覺得係保險公司買基金都幾好....因為有前置式收費同後置式收費....前置式就比較似銀行....後置式係放多過幾年就免手續費....同埋免費轉換基金同無買賣差價......
買基金係比啲錢基金經理去做投資..好處-基金經理會有第一手資料...
基金適合一啲比較忙或者對投資唔係甘了解啲人....希望可比幫到你...