換晾衫架繩一問

✔ 最佳答案

我都曾經遇過呢個問題,問咗好多地方都冇人肯整,只肯成個換.我覺得咁好浪費,明明個架都冇事,冇理由為咗條繩就換走成個架.
我最終買咗啲尼龍繩,即係衫架嗰啲,在旺角新填地街買.
買咗個用來打卡通箱膠帶的工具(即係有兩支長棍要來埋扁個碼仔嗰種)同埋一盒嗰啲碼仔就搞掂咗.夾埋晒都係百幾蚊.嗰鉗我係在屋企附近的文具店買的.跟住自己拉緊啲繩夾就得,好簡單.記得綁實個鉗先好夾,否則跳落街會死人.
不過仲有一個問題,嗰啲碼仔唔係不锈鋼,會生锈的,我已經用磁油浸過佢地先夾,夾完再補油,再用膠紙包實,但係始終會慢慢生锈.不過我都已經用咗三幾年仲好實淨.我都覺得可以接受,最多遲啲真係唔掂先夾多次.